Home Sport
Italia fiton medaljet e para në PyeongChang
Italia ka fituar medaljet e para në Lojërat Olimpike Dimërore të Pyeongchangut

Në garën e patinazhit të shpejtësisë 500 m për femra, Ariana Fontana i dha medaljen e artë vendit të saj, duke e fituar këtë garë me 42.5 sekonda, për të lënë në vendin e dytë holandezen Van Kerkhof, e cila mori medaljen e argjendtë, ndërsa medalja e bronztë u fitua nga kanadezja Kim Boutin.

Medalja tjetër e fituar nga sportistët italianë ishte ajo e argjendtë e marrë nga Federico Pellegrino në garën e Cross Country Sprint për meshkuj.

Fitorja e medaljes së artë i takoi norvegjezit Klaebo, ndërsa atë të bronztë e fitoi rusi që garoi nën flamurin olimpik, Aleksander Bolshunov. Ndërsa në Cross Country Sprint për femra, ajo që fitoi ishte suedezja Stina Nilsson, e cila la pas norvegjezen Falla dhe Yulia Belokurova, rusen që garon me flamurin e IOC.

Adoleshentët amerikanë duket se janë mbretër të snowboard-it. Pas suksesit të Gerrard në Slopestyle, i takoi 17-vjeçares Chloe Kim që të fitojë medaljen e artë në kategorinë e Snowboard Halfpipe me 98.25 pikë të grumbulluara. Në vendin e dytë u rendit kinezja Liu Jiayu me 89.75pikë, ndërsa medaljen e bronztë e fitoi amerikania Arielle Gold.

Në renditjen e përgjithshme të medaljeve kryeson Gjermania me 5 medalje ari, 2 argjendi dhe 2 bronzi, e ndjekur në vendin e dytë nga Holanda me 4 medalje të arta, 4 të argjendta dhe 1 të bronztë, ndërsa në vendin e tretë janë SHBA, me 4 medalje ari, 1 argjendi dhe 2 bronzi. /albeu.com/
Dërgoja mikut në:


Shkruani komentin tuaj!
 
Valverde: Skuadra bëri një paraqitje pozitive
Fabregas: Është mision vetëvrasës, duhet të luajmë lojën tonë
Conte: Kualifikimi mbetet ende i hapur
Bayern Munich - Besiktas, notat e lojtarëve (FOTO LAJM)
Chelsea - Barcelona, notat e lojtarëve (FOTO LAJM)

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2018 Albeu Online Media