Home Sport
Buffon se ka ndërmend të pensionohet
Gianluigi Buffon ka thënë se nuk e ka ndërmend të pensionohet akoma nga futbolli profesionist.

41-vjeçari nuk është duke treguar shenja ngadalësimi dhe sot u shpall ambasador i vullnetit të mirë i OKB-së për Programin Botëror të Ushqimit.

Gjatë kësaj ngjarjeje, Buffon foli për karrierën e tij dhe tregoi pse u kthye në Juventus nga Paris Saint-Germain.

"Me të drejtë, në fillim disa njerëz ishin të hutuar që unë e pranova rolin e ri, por unë e kuptova se klubi i vetëm ku do të pranoja të isha zgjedhja e dytë ishte Juventusi. Kisha të drejtë", tha Buffon.

Kur Roberto Mancini sugjeroi se do t’i jepte mundësinë atij ta luajë një ndeshje lamtumirëse me Italinë, Buffon kishte ide të tjera.

"Unë e falënderoj Mancinin, i cili gjithmonë ka qenë i mirë me mua. Nëse Federata dhe Mancini e kishin ketë ide, unë do ta pranoja në momentin që do të vendosja për t’i dhënë fund karrierës", shtoi ai.

Por Buffon nuk e ka për ngut, pasi ai synon një titull tjetër në Serie A me Juventusin nën udhëheqjen e trajnerit të ri Maurizio Sarri.
Dërgoja mikut në:
Shkruani komentin tuaj!
 
Zbulohet data e inagurimit të "Arenës Kombëtare", caktohen edhe çmimet e biletave
E TRISHTË/ Palermo shpall falimentin
Ronaldo ka një motiv shtesë për t’i shënuar Bolognas
Allegri te Manchester United, Juventus "mbush xhepat"
Ernest Gjoka debuton me humbje, Shkëndija mposhtet në shtëpi

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2019 Albeu Online Media