Home Sport
Mentaliteti është çelësi i suksesit në stadiumet bosh
Lojtarët e Bayern Muenchenit duhet të punojnë edhe më shumë për të motivuar njëri-tjetrin për të mbajtur mentalitetin fitues derisa luajnë në stadiumet e zbrazëta.

Kështu vlerëson trajneri Hansi Flick. Bundesiga është bërë liga e parë e madhe sportive që ka rifilluar pas pushimit prej më shumë se dy muajve për shkak të pandemisë COVID-19. Ndeshjet që nisën të shtunën, janë luajtur pa shikues. Shikues në stadiume nuk do të ketë të paktën deri në fund të edicionit aktual.

“Vendimtar është mentaliteti. Qartë se është avantazh nëse ke kualitet më të madh në fushë, por kjo është situatë që nuk është shumë e lehtë”, ka thënë Flick që ka folur në një video-konferencë për shtyp.

“Është vendimtare që atë mentalitet ta bartësh në fushë. Është me rëndësi që ekipi të shtyjë veten para, për të mbuluar nivelin e motivit që humbet për shkak të tribunave të zbrazëta”, ka shtuar Flick.

Bayerni që e pret Eintracht Frankfurtin të shtunën, po synon të vazhdojë dominimin duke fituar titullin e tetë rresht në Bundesligë. Bayerni është katër pikë para Borussia Dortmundit.

Në ndeshjen e kaluar Bayerni fitoi 2:0 ndaj Union Berlinit.

“Të gjithë nga ne kemi luajtur së paku njëherë në stadium të zbrazët. E dimë çka të presim. Para ndeshjes së javës së kaluar ne kemi ushtruar në ‘Allianz Arena’ kështu që e dimë çka të presim sa i takon atmosferës”.

Në bazë të protokollit të Bundesligës vetëm rreth 200 persona lejohen në stadiume. Rreth 100 persona, kryesisht punëtor të sigurisë, qëndrojnë jashtë, për të mbajtur larg tifozët që duan të festojnë me ekipin.
Dërgoja mikut në:
Shkruani komentin tuaj!
 
Premier League vjen ndryshe, zbulohen oraret e pazakonta
Zbulohet data për finalen e Kupës së Italisë, edhe pak ditë
LASK Linz merr goditjen e rëndë, i hiqen 6 pikë pasi theu rregullat e karantinës, humb vendin e parë
Fillon dhe Serie A, ja data
Suarez lë pas dëmtimin e gjatë dhe realizon supergol (VIDEO)

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2020 Albeu Online Media