Home Video Lajme
Interi fiton përballë ekipit të fundit dhe blindon Championsin (VIDEO)
Interi ka fituar në shtëpi ndaj Chievos me rezultat 2-0 në ndeshjen e vlefshme për javën e 36-të në Serie A.

Skuadra e Luciano Spallettit i është kthyer fitores pas tri barazimeve radhazi dhe me këto tri pikë është afër të sigurojë kualifikimin në Ligën e Kampionëve për sezonin e ardhshëm.

Pjesa e parë e ndeshjes u karakterizua me dominim të Nerazzurrëve, por edhe përkundër rasteve të shumta, arritën vetëm njërin ta konkretizojnë.

Goli i vetëm i shënuar në këtë pjesë erdhi në minutën e 39-të dhe ishte Matteo Politano, i cili shënoi një gol të bukur për 1-0.

Në pjesën e dytë, përsëri ishin vetëm vendasit të cilët rrezikuan dhe provuan golin, të cilin arritën ta gjejnë vetëm pasi goditën dy shtylla.

Fillimisht ishte Ivan Perisic (65′), i cili goditi shtyllën, ndërsa në minutën e 86-të kroati shfrytëzoi një top të kthyer nga shtylla e goditur nga Cedric Soares për të shënuar për 2-0 dhe për të vulosur rezultatin përfundimtar.

Pas kësaj fitore, Interi e sheh veten në pozitën e tretë me 66 pikë, ndërsa Chievo në pozitën e fundit me 15 pikë.

Në ndeshjen e radhës, zikaltrit udhëtojnë te Napoli, ndërsa Chievo e pret në shtëpi Sampdorian. /albeu.com/

Dërgoja mikut në:
Shkruani komentin tuaj!
 
Dalin pamjet, si u kapën nga Njësia Speciale 2 personat që dyshohet që eleminuan Oliver Ivanovicin (VIDEO)
Albin Kurti: Në takimin e parë me Edi Ramën do flas për "Shengenin Ballkanik" (VIDEO)
SKANDALI/ Si 16 vjeçarja, nënë e 1 foshnje shiste trupin për 5 mijë lekë (VIDEO)
Festë e çmendur e shpresave pas fitores me Kosovën (VIDEO)
Suedia befason Spanjën (VIDEO)

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2019 Albeu Online Media