Home Video Lajme
Kapen 2 persona të rrezikshëm në Durrës, njëri pjesë e klanit Duka (VIDEO)
Policia ka vënë në pranga një anëtar të klanit Duka, pas sinjalizimeve se një mjet po kryente manovra të rrezikshme në rrugë.

Fillimisht u deklarua se në pranga kishte rënë vetëm Elvis Gaçaj, anëtar i këtij klani i akuzuar për vrasjen e ish-policit Santiago Malkaj, ndërsa më pas Policia e Shtetit sqaroi se në operacionin “Taulantia” ishin arrestuar 2 shtetas E. G dhe K.D të cilëve u është gjetur dhe armë zjarri.

Mësohet se i arrestuari i dytë është Konstandin Drizaj.

Ervis Gaçaj kishte masën arrest në shtëpi pas prangosjes së disa muajve me parë për armëmbajtje pa leje, ndërsa pas prangosjes së sotme me shumë gjasa gjykata do ta rikthejë në burg

Njoftimi i policisë

Finalizohet një tjetër operacion për goditjen e personave që qarkullojnë me armë zjarri pa leje.

Gjatë operacionti policor të koduar “Taulantia”, Policia kap dhe arreston dy persona me rrezikshmëri të lartë shoqërore, me precedentë penalë të mëparshëm në fushën e veprave penale kundër personit dhe armëmbajtjes pa leje.

Njëri prej tyre, i cili kishte dhe armë zjarri me vete ishte me masë sigurie “Arrest në shtëpi”, për armëmbajtje pa leje.

Sekuestrohet një armë zjarri pistoletë dhe municion luftarak.

Specialistët për Hetimin e Krimeve të Rënda në Drejtorinë Vendore të Policisë Durrës dhe Komisariati i Policisë Durrës, në vijim të planit për kapjen e personave në kërkim dhe atyre që qarkullojnë me armë zjarri me vete, si dhe në bazë të informacioneve të siguruara nga Strukturat Policore se dy shtetas lëviznin me një automjet me armë zjarri me vete kanë organizuar dhe finalizuar operacionin policor të koduar “Taulantia”.

Shërbimet e Policisë në rrugën “Taulantia” kanë bërë të mundur identifikimin e mjetit që lëviznin presonat e dyshuar, automjet i cili kryente manovra të dyshimta në rrugë.

Duke marrë parasysh informacionin e marrë se në këtë mjet mund të kishte persona me rrezikshmëri të lartë shoqërore, Policia ka ngritur një perimetër të gjërë rrethimi për kapjen e tyre.

Drejtuesi i automjetit sapo ka parë Policinë është larguar me shpejtësi së bashku me pasagjerin dhe gjatë largimit pasagjeri, i cili ishte dhe me masë sigurie “Arrest në shtëpi” ka hedhur në rrugë një armë zjarri pistolete me fishekë.

Pololicia ka bërë të mundur bllokimin, neutralizimin dhe kapjen në flagrancë të shtetasve E. G., 44 vjeç, banues në Tiranë dhe K. D., 34 vjeç, banues në Durrës.

Shtetasi E.G., pasagjer në mjet është person me rrezikshmëri të lartë shoqërore, i dënuar më parë për veprat penale kundër personit dhe për armëmbajtje pa leje.

Gjithashtu ka qenë në masë sigurie ” Arrest në shtëpi” për veprën penale “Armëmbajtja pa leje”.

Ndaj tij janë referuar materialet në Prokurori për veprat penale “Armëmbajtja pa leje” dhe “Mosbindja ndaj urdhërit të punonjësit të policisë së rendit publik”.

Shtetasi K. D. është person me precedentë penalë të mëparshëm në fushën e veprave penale kundër personit dhe armëmbajtje pa leje. Ndaj tij janë referuar materialet në Prokurori për veprat penale “Moskallëzimi i krimit “dhe “Mosbindja ndaj urdhërit të punonjësit të policisë së rendit publik”.

Në cilësinë e provave materiale janë sekuestruar një armë zjarri pistoletë CZ çeke, dy krehëra me 26 fishekë kalibër 9 mm dhe automjeti tip BMË.

Materialet i kaluan Prokurorisë së Rrethit Gjyqësor Durrës për veprime të mëtejshme.

Dërgoja mikut në:
Shkruani komentin tuaj!
 
foto ilustruese
Dëmton edhe dëgjimin e njeriut, thirrja e këtij zogu është më e larta në botë (VIDEO)
33 orë me dhimbje, aktorja e famshme publikon videon e lindjes (VIDEO)
Ambasada amerikane paralajmëron zgjerimin e "listës së zezë" pas Llallës, Doshit dhe Dakos (VIDEO)
Endri Prifti në "kurthin" e lojërave të fatit, këngëtari tregon si humbi shtëpinë (VIDEO)
Një gol i mjafton Sheffield për të mposhtur Arsenalin (VIDEO)

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2019 Albeu Online Media