Home ShowBiz
EKSKLUZIVE/ U largua me bujë nga Zonë e Lirë, Xheni Brahaj sqaron arsyet (FOTO LAJM)
Padyshim që ardhja e saj në Zonë e Lirë ishte e bujshme dhe shumë e frytshme. Kjo pasi ndryshe nga gjitha Sofitë e tjera që nuk arritën dot ta mbajnë gjatë sfidën, Xheni Brahaj arriti të qëndronte në Zonë e Lirë, aq sa të merrte gjithçka i duhej.

Deri këtë të premte!

Mjaftoi që fytyra e saj të mos ishte në ekran këtë fundjavë, për të mbushur portalet dhe për të bërë xhiron e rrjetit.

Arsyet që qarkulluan në rrjet për largimin e Xhenit ishin sigurisht (siç ndodh) të ndryshme, por për gazetaren e Albeu.com Oliverda Allmuça , Xheni ka vendosur ta tregojë vetë gjithë situatën.

Ajo sqaron hapur se nuk ka vend për të hamendësuar gjëra që nuk janë, kur realiteti është i thjeshtë:

“Emisioni Zonë e Lirë ka qenë një nga shkallet e para të karrierës time. Tani jam shkëputur sepse synimet e mia janë në rritje. Hoqa dorë sepse tashmë dua të shfaqem ndryshe në sytë e publikut, jo vetëm si një velinë e bukur” -shprehet ajo.

Përsa i përket fjalëve se ka pasur konflikte me stafin e Zonë e Lirë, përfshirë këtu moderatorin Çani, ajo i ka hedhur poshtë dhe ka treguar se ka marrëdhënie shumë të mira me stafin, marrëdhënie të cilat i ruan akoma shumë miqësisht edhe pas ikjes.

Sigurisht fama që Xheni mori nuk ishte e pakët dhe pyetjes sesi e përballoi famën, ajo i është përgjigjur duke treguar se nuk ka pasur probleme, përkundrazi është një njeri shumë i thjeshtë në përditshmërinë e saj.

Por a do ta shohim Xhenin diku së shpejti? Për këtë bukuroshja ka vendosur të jetë pak e rezervuar dhe ka deklaruar se po, do të ketë disa projekte të reja por të cilat siç edhe kuptohet preferon t’i mbajë momentalisht surprizë.

E sigurt është që do vijnë gjëra të bukura, se kur ne i presim me padurim! /albeu.com/
Dërgoja mikut në:
Shkruani komentin tuaj!
 
Kush do ta fitojë "Këngën Magjike"? Flasin qytetarët (VIDEO)
Bebe Rexha na la pa fjalë: Dua një djalë shqiptar, dasma të zgjasë 5 ditë
Kjo është këngëtarja e preferuar shqiptare e Bebe Rexhës
Inva Mula rrëfen si e përjetoi tërmetin: Erdha për një natë, përjetova tmerrin
Aktori me origjinë shqiptare fiksohet keq fare pas gazetares në mes të intervistës

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2019 Albeu Online Media