Home Lifestyle
Si të gatuajmë pulë ose karkaleca me erëza
Karkaleca me erëza

Përbërësit: 500 g karkaleca të mëdhenj, 4 thelpinj hudhër, 2 lugë kafeje trumzë të thatë, 4 lugë vaj ulliri, 3 lugë gjalp, 1 filxhan çaji verë të bardhë, kripë dhe piper.

Përgatitja: Lahen karkalecat dhe pastrohen. Thelpinjtë e hudhrës shtypen dhe shtohen karkalecat, vaji i ullirit dhe trumza. Përzihen dhe futen në frigorifer për një orë. Në një tigan të madh hedhim gjalpin dhe shtojmë karkalecat me marinimin. Gatuhen jo më shumë se 3 minuta dhe shtohet vera, kripa, piperi, pas tyre i lënë edhe pak minuta dhe i shërbejmë të ngrohta.

Pulë me erëza

Përbërësit: 1 pulë, 100 gr gjalp, 2 lugë gjelle mustard, 1 limon, 1 tufë erëza të freskëta ose 2 lugë gjelle erëza të thata (rigon, borzilok, rozmarinë, trumëz), 6 feta proshutë, 1 lugë çaji kripë e trashë, 1 lugë gjellë piper i zi, 2 thelpinj hudhra të grira, 4 qepë, 1 filxhan çaji verë e bardhë.

Përgatitja: Presim limonin në feta dhe e ndajmë proshutën në copa të vogla. Presim hollë erëzat. E lëmë gjalpin jashtë frigoriferit që të zbutet dhe e përziejmë me mustardën, erëzat, proshutën, hudhrën, kripën e trashë dhe piperin. Lyejmë me këtë masë pulën. Krijojmë të çara në gjoksin e pulës dhe vendosim në to feta limoni. Presim qepët në feta të holla, i përziejmë me fetat e mbetura të limonëve dhe mbushim me to barkun e pulave.

I vendosim në një tepsi të thellë, hedhim verën, e mbulojmë tepsinë me letër alumini dhe i pjekim në furrë me temperaturë 200° Celsius për 40 minuta. Në vazhdim, heqim letrën e aluminit dhe vazhdojmë pjekjen për disa minuta të tjera derisa pula të marr ngjyrë. /shije.al/
Dërgoja mikut në:
Shkruani komentin tuaj!
 
Bëni shumë kujdes nga sfungjerët, janë të rrezikshëm
HOROSKOPI/ Ruhuni, kjo shenjë do ta nisë javën me një zhgënjim në dashuri
Nëse keni frikë se ju tradhton partneri, vini re këto detaje
Nëse doni një lëkurë të shëndetshme, bëni kujdes se çfarë hani
Mos e teproni, sa mjaltë duhet të hajë një fëmijë?

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2018 Albeu Online Media