Home Lifestyle
Zbulohet ilaçi kundër plakjes
Një studim i ri tregoi aksidentalisht se shkencëtaret janë në gjendje jo vetëm ta ngadalësojnë procesin e plakjes, por edhe ta kthejnë mbrapsht atë, pak a shumë ashtu sic ndodh në filmin e famshëm amerikan “rasti i çuditshëm i Benjamin Button”.

Një grupi vullnetarësh në Kaliforni u ishte dhënë për një vit rresht një koktejl i përbërë prej tre mjekimesh të zakonshme: një hormon rritjeje dhe dy ilaçe diabeti.

Kërkuesit po përpiqeshin ti testonin medikamentet me shpresën e rigjenerimit të gjëndrës së timusit. Por pas analizave të mëtejshme, ata zbuluan fare rastësisht se pjesëmarrësit kishin humbur gati 2,5 vjet “në orën e tyre epigjenetike”, e matur nga verifikimi i gjurmëve në genomet e një personi.

Lajmin e përcjell revista “Nature”. Sistemi imunitar i pjesëmarrësve në studim gjithashtu tregonte shenja përteritjeje dhe duket i rinuar. Edhe vetë shkencëtarët e përfshirë ne eksperiment, mbetën të shokuar nga rezultatet e tij. “Prisja të shihja një ngadalësim të orës, jo kthim të saj mbrapsht”, tha për “Nature” njeri prej tyre, Steve Horvath.

Autorët e studimit megjithatë paralajmërojnë se gjetjet janë paraprake dhe se do të nevojiten hulumtime të tjera për të parë se çfarë ndikimi mund të kenë ato mbi kujdesin shëndetësor dhe plakjen në përgjithësi.
Dërgoja mikut në:
Shkruani komentin tuaj!
 
Tre metoda natyrale si të ulni tensionin
14 fustanet me lule më të bukur për këtë vjeshtë (FOTO LAJM)
Instagram do të bllokojë përmbajtjet që promovojnë dieta, për përdoruesit nën 18 vjeç
Puna dhe dashuria, çfarë ka rezervuar fati për sot
Horoskopi 22 shtator 2019

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2019 Albeu Online Media