Home Shëndetësi
Misteri rreth sëmundjes së zjarrit
Nëse menduat se ka një “mister” për këtë sëmundje, mos dyshoni më!

Herpes Zoster, ose siç njihet ndryshe sëmundja e zjarrit, klinikisht është një infeksion i shkaktuar nga virusi varicela-zoster (nga ka marrë dhe emrin). Dëmtimi i nervave ndjesorë shkakton shpërthime në pjesë të ndryshme të trupit duke provuar dhembje dhe djegie.

Herpes Zoster është një infeksion i riaktivizimit të virusit të varicella-zoster (VZV), që ndikon te nervat periferikë dhe nervat e kokës dhe ndodh zakonisht disa vite pas infeksionit primar me varicella (lia e dhenve) ose me marrjen e vaksinës për linë e dhenve.

Sëmundja shfaqet me shpërthime dhe dhembje në lëkurë mbi një ose dy dermatoma apo me një sërë dermatomash ngjitëse; janë gjithmonë të njëanshme dhe nuk e kalojnë gjysmën e dytë të trupit. Këto shpërthime janë zakonisht të shpërndara në kraharor, por mund të shfaqen kudo në trup.

Në disa raste përfshihen nervat e kokës që mbështesin sytë, veshët dhe fytyrën duke prodhuar pasoja të rënda.

Faktorët e rrezikut

– Mosha e thyer (sa më i moshuar, aq më shumë rrezik përbën)

– Dëmtimi imunitar për shkak të sëmundjes ose mjekimeve imunosurpresive

– Stresi Emocional dhe Psikologjik

– Trauma Mekanike

– Raca e bardhë

– Gjinia Femërore

– Popullata në rrezik; të rriturit në moshën 60 vjeç dhe më tepër.

Një dozë e vetme e vaksinës Herpes Zoster e zvogëlon në gjysëm rrezikun e zhvillimit të Herpes Zoster. Efektet mbrojtëse zgjasin për të paktën 3 vjet pas vaksinimit. Konsultohuni me mjekun për çdo mjekim apo vaksinë që do të kryeni për sëmundjen.
Dërgoja mikut në:
Shkruani komentin tuaj!
 
Hamami, banjoja ideale me avull kundër stresit (FOTO LAJM)
Një gotë lëng shege dhe 3 hurma arabe ndihmojnë në luftimin e këtyre sëmundjeve
Mënyra e të ushqyerit, ndikimi në shfaqjen e hershme të depresionit
Këto janë pesë ushqimet që parandalojnë migrenën
Kështu mund ta mbroni zemrën nga kolesteroli

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2019 Albeu Online Media