Home Kuriozitete
Dëshmi të reja të ujit në hënën e Jupiterit
Të dhënat njëzet vjeçare tregojnë se sonda hapësinore Galileo fluturoi përmes një burimi uji të Hënës Evropa të Jupiterit.

Sonda Galileo e hedhur nga NASA për të vëzhguar Jupiterin dhe satelitët e tij natyrorë, ka dërguar në Tokë të dhëna mjaft interesante.

NASA thotë se Galileo ka arritur të kapë momentin e shpërthimit të ujit nga nënsipërfaqja e akullt e satelitit Europa të Jupiterit. Shpërthimi ishte aq i fuqishëm sa ka arritur në një lartësi prej 160 kilometrash.

Akulli që mbulon këtë satelit ka një trashësi prej mijëra kilometrash, por nën të, studiuesit e NASA-s dhe ESA-s (Agjencia Hapësinore Europiane) janë të bindur që gjendet ujë në formë të lëngët, që shpërthen hera-herës në formë shatërvanesh gjigante si pasojë e trysnisë së madhe.

Sonda Galileo orbitoi për 8 vite rreth Jupiterit. Distanca më e afërt me satelitin Europa u regjistrua në vitin 1997. Të dhënat e siguruara nga ky kalim u dërguan në Tokë disa vite më vonë dhe shkencëtarëve iu deshën po disa vite të tjera që të analizojnë këto të dhëna dhe të dalin në përfundimin se në këtë satelit të Jupiterit ka shatërvane uji.

E ku ka ujë, ka edhe jetë dhe NASA e ESA janë duke studiuar së bashku mundësinë e dërgimit të një sonde, që këtë herë do të ulet në sipërfaqen e akullt të satelitit të Jupiterit dhe të gjurmojë për shenja jetë jashtëtokësore.
Dërgoja mikut në:
Shkruani komentin tuaj!
 
Ju kujtohet çanta-kovë? Ekspertët e modës bëjnë rikthimin e guximshëm (FOTO LAJM)
Çfarë zbuloi qeveria amerikane mbi UFO-t
Del në shitje ishulli italian që mbart legjendën me 13 vajzat turke (FOTO LAJM)
Si duket Pranvera nga hapësira
Ky është i moshuari që habit të gjithë, 111 vjeç dhe shkon çdo ditë në palestër

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2019 Albeu Online Media