Home Kuriozitete
Kujdes me çfarë pastroni veshët, ja çfarë i ndodhi këtij 31-vjeçari
Një djalë i ri rrezikoi që të humbte jetën, si pasojë e një infeksioni të rëndë të shkaktuar nga shkopinjtë me pambuk që përdoren për pastrimin e veshëve.
Historia e të riut 31-vjeçar vjen nga Britania e Madhe dhe rasti i tij raportohet nga revista shkencore ‘British Medical Journal Case Reports’.

I riu rrezikoi jetën, pasi një pjesë e shkopit me pambukun, i ngeli në kanalin e dëgjimit. Ai nisi të ndjente fillimisht dhimbje në veshin e majtë dhe më tej pas dhjetë ditësh, nisi të kishte dhimbje koke, të përziera dhe të vjella si dhe nuk mbante mend emrat e njerëzve.

Në fakt dhimbjet e veshit për të nuk ishin të panjohura, për shkak se gjatë pesë viteve të fundit kishte vuajtur nga dhimbjet në veshin e majtë, kishte humbur dëgjimin dhe dy herë me radhë ishte trajtuar për infeksion të rëndë.

31-vjeçari u shtrua me urgjencë në spitalin e Coventry, ku bëri rezonancë, skaner dhe kontrolle të detajuara, deri sa u bë zbulimi i rëndë, shkruan noa.al.

Kështu ai iu nënshtrua një ndërhyrje kirurgjikale gjatë së cilës iu hoq një pjesë e shkopit, e cila mendohet se kishte vite e bllokuar dhe për pasojë, i shkaktonte probleme.
Në rast të vonimit të mëtejshëm të trajtimit, sipas mjekëve, i riu mund të kishte gjetur dhe vdekjen. /albeu.com/
Dërgoja mikut në:
Shkruani komentin tuaj!
 
Futi 40 mijë euro në furrë për ti fshehur, e fejuara ia djeg bashkë me kekun
Në ishullin e gjarpërinjve, ku helmi i nëpërkës të shkrin mishin e të vret në mënyrën më të tmerrshme (FOTO LAJM)
Nesër janë Pashkët por çfarë simbolizojnë vezët e kuqe?
Ecja iu bën më të ri
Njihuni me fëmijët që u bënë mizorë kur u rritën (FOTO LAJM)

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2019 Albeu Online Media