Home Kuriozitete
Ç'lidhje ka unaza me martesën?
Sa herë nga goja e tij del fjala unazë, ekzaltohemi dhe imagjinata na çon vetëm diku: propozim për martesë! A e keni menduar ndonjëherë pse unaza është simboli më i rëndësishëm që lidhet me martesën?

Para se të merremi me këtë, na lini t'ju tregojmë se më herët, njerëzit kanë përdorur simbolika të tjera për martesën. Gjatë viteve 1800, amerikanët i dhuronin gishtëza që pas martesës priteshin dhe merrnin formën e një unaze.

Ndërsa një zakon anglez e përfshinte çiftin në një ritual të ndarjes së një pjese të artë dhe të argjendtë në dy pjesë të cilat i mban secili nga partnerët dhe më pas pinin një gotë verë për të formalizuar angazhimin.

Gjurmë të unazave të fejesës janë gjetur në Romën e shekullit të 13-të kur të krishterët përshtatën traditën pasi Papa Inoçenti III deklaroi se duhet të kishte një periudhë pritjeje të detyrueshme midis fejesës dhe martesës. Unazat e tyre ishin thjesht prej hekuri fillimisht dhe më pas u bënë prej ari.

Zakoni i vendosjes së unazës në gishtin e dorës së majtë mendohet se ka ardhur nga besimet greke dhe romake se një venë e veçantë, "Vena Amoris," shkon direkt nga unaza në gisht drejt zemrës.

Diamantët ishin një shtesë që u bë më vonë. Maximiliani, djali i perandorit të Austrisë ishte mashkulli i parë që i dhuroi gruas së tij një unazë me shkëlqim në vitin 1477. Mirëpo unazat me shkëlqim nuk u bënë aq popullore për ata që s'ishin aristokratë, derisa u bë një marketing i madh nga kompania DeBeers në vitet 1930-të.

Asokohe, u tha se kjo kompani manipuoi si kërkesën ashtu edhe ofertën pasi u zbuluan diamantet në Afrikën e Jugut në fundin e shekullit të 19-të.

Më pas në fund të viteve 1940 u përhap shprehja e famshme: “Një diamant është përgjithmonë” si pubicitet i kësaj marke. Fushata i inkurajonte konsumatorët që t’i shihnin unazat me diamantë si sende të vyera në familje dhe ato nuk mund të rishiteshin (kjo do të siguronte edhe vlerën e tij në treg). Në fund të ditës, mbetej thjesht një strategji e paparë marketingu!

Eshtë pak zhgënjyese të mendosh se i gjithë ky rrugëtim s'është veçse një BOOM i madh me qëllimin final tregëtimin, por sidoqoftë, momenti i vendosjes së tyre, mbetet romantik.

Për sa kohë unazat na emocionojnë, do të vijojmë t'i trajtojmë si simbol të një premtimi dhe nisjes së një kapitulli të ri.

Burimi: Bustle
Dërgoja mikut në:
Shkruani komentin tuaj!
 
Zbulohet sekreti: Karteli i Pablo Escobarit dëshironte të likuidonte portierin legjendar të Paraguait (VIDEO)
Gjera të cilat mund t'i shihni më mirë nëse picëroni sytë (FOTO LAJM)
20 gjëra absurde që ishin absolutisht normale në të shkuarën (FOTO LAJM)
Kjo foto në pamje të parë të duket e zakonshme, por historia e saj është shumë prekëse
Pse disa njerëz janë "gjenetikisht të lindur" të mos pëlqejnë disa lloje ushqimesh?

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2019 Albeu Online Media