Home Kuriozitete
Masat që uhet të merrni nëse humbisni vendin e punës
Duke marrë parasysh që izolimi vazhdon dhe gjendja e ekonomisë është në rënie, një pjesë e mirë e njerëzve kanë filluar t'i tremben humbjes së vendit të punës. Pandemia dhe karantinimi për ndalimin e përhapjes së saj, ka bërë që shumë njerëz të mos dinë çfarë i pret nesër.

A do të kenë më një vend pune? Sa shance ka të gjejnë një vend tjetër punë në rastin më të keq? Ndodhemi para shumë dilemave si këto, prandaj është mirë të marrim masa. Si duhet të përgatiteni sot në rast se e humbisni vendin e punës?

1.Kufizoni buxhetin.

Ky është hapi i parë dhe më i rëndësishme. Dita ditës e kuptoni se duhet t'i bëni me më shumë kujdes llogaritë e parave tuaja dhe duhet të hiqni dorë menjëherë nga shpenzimet e panevojshme.

Shpenzoni vetëm për gjërat thelbësore që ju duhen ju dhe shtëpisë suaj. Gjërat dytësore apo ato të luksit lërini për një tjetër moment.

2. Prioritet janë detyrimet dhe faturat

Detyrimet e çdo muaji duhen paguar, keni apo jo një vend pune. Problemi kryesor i shqiptarëve është si do të vijojë pagesa e tyre nëse nuk je më i punësuar? Krahas ushqimit, mendoni që një pjesë e mirë e të ardhurave të lihet për të paguar faturat.

3. Ktheni sytë nga kursimet

Nëse aktualisht paga iu është përgjysmuar, e dimë që gjëja e fundit që po mendoni është të kurseni para. Nëse deri dje e bënit këtë, është koha për të shfrytëzuar kursimet. Lekët e emergjencës janë shpëtim në raste si këto dhe mund t'i përdorni për detyrime mujore ose për të mbijetuar deri sa të riktheheni në punë/gjeni një punë të re.

4. Filloni çmendurisht të kërkoni për një punë të re.

Koronavirusi po e ndryshon shpejt mjedisin e bizneseve apo rekrutimin e punonjësve. Prandaj, ju këtë kohë mund ta shpenzoni për të nisur kërkimet drejt një vendi të ri pune. Karriera juaj mund të ndryshojë kur të dilni nga izolimi prandaj nisni me referencat që tani. Nëse je ndër aplikuesit e parë, ke dhe më shumë gjasa që të telefonojnë kur situata t'i jetë kthyer normalitetit.

5. Bëj gati aplikimin e papunësisë.

Nëse je i/e sigurt që punën e humbe, të paktën mundohu të përfitosh nga ndihmat që qeveria jep. Përgatit një dokument (online) që vërteton se je pa punë, në rast se kjo do të ndodhë dhe interesohu çfarë të drejtash lindin me statusin e ri.
Dërgoja mikut në:
Shkruani komentin tuaj!
 
U gjetën të pajetë në shtëpi, zbardhet shkaku i vdekjes së aktorit të Twilight dhe të dashurës (FOTO LAJM)
Ish-eskorta i "hap sytë" grave, këto shenja tregojnë se partneri juaj po ju tradhëton (FOTO LAJM)
Nën efektin e alkolit, britanikët festojnë jashtë kontrollit lirinë nga koronavirusi (FOTO LAJM)
Astrologia Meri Shehu bën parashikimin për muajin Qershor, cila është shenja më me fat në dashuri
Zgjidh një diell dhe merr tani një mesazh për të ardhmen tënde

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2020 Albeu Online Media