Home Shqipëri
Habit Monika Kryemadhi: Meta dhe Ruçi janë njësoj fajtorë
Kryetarja e LSI-së në një bisedim të drejtpërdrejtë ne emisionin "Opinion " ka folur për situatën aktuale të krimit në vend dhe përgjegjësitë e Kryeministrit.

A ka një koordinim midis jush dhe PD për situatën në parlament?
Patjetër që grupet parlamentare kanë filluar të rakordohen përsa I përket bashkëveprimit opozitar në Parlament. Jo më larg, por në seancën e kaluar kur ne diskutuam çështjen e amendimeve përsa I përket projektligjit që erdhi për Vettingun. Kjo ishte hapi I parë, ndërkohë që kemi pasur dhe bashkërendime të tjera, po I përsa I përket bashkëpunimit sigurisht që kjo do të kërkojë kohën e vetë. Unë do të doja të theksoja diçka për të mbështetur z.Basha përsa I përket qëndrimit të z.Ruçi sot në Parlament.

Është e dyta herë që z.Ruçi bën një veprim të tillë. Kur nga deputetët kërkohet fjala për procedurë, ai nuk zbaton rregulloren. Është neni 49, pika 1 e Rregullores kur çdo deputet kërkon të drejtën për procedurë. Të njëjtën gjë bëri z.Ruçi përpara një jave kur z.Vasili I kërkoi të drejtën për procedurë, dhe ai nuk I dha fjalën. Karrikja e kryetarit të parlamentit nuk është e z.Ruçi. Ai është aty vetëm për të zbatuar rregulloren. Arroganca që kërkon maxhoranca të bëjë duke mbyllur gojën njerëzve, është e tmerrshme.

Dhe kjo vjen si rezultat I euforisë që atyre u është krijuar nga krimi dhe bandat të cilat çdo ditë e më shumë kanë kapur çdo segment të shtetit shqiptar. Ajo sjellje që ka treguar sot z.Ruçi në Parlament tregon çdo ditë e më shumë se si është kapur ky shtet. Mos harrojmë sot, dhe pa pikë turpi shikojmë dhe një kryeministër që të kujton Kim Jongun, por është version I gjatë, që thotë e kam sharë nëpër dhëmbë. O Zotëri, si mund të shash nëpër dhëmbë?! Nëse ne do të kërkojmë fjalën për procedurë, do përjashtohemi nga parlamenti?! Pra, po them çdo ditë e më shumë po shkojmë drejt një diktature. E kam thënë dhe e them, Shqipëria është një vend hibrid që ndahet mes diktaturës dhe një vendi tjetër që nuk e dimë se çfarë është.

Ka deputet të Partisë Socialiste që kanë konfirmuar që z. Ruçi po zbaton rregulloren dhe ai që shkel rregulloren është ish kryetar i Kuvendit dhe bashkëshorti juaj, ilir Meta.
Ilir Meta ka bërë më shumë gabime se z. Ruçi se njëlloj janë prandaj kemi dhe këtë situatë që është sot në parlament. Por dua të them që më vjen për të qeshur kur mendoj se ka deputet të Partisë Socialiste që mendojnë një gjë të tillë. Jam e bindur që deputetët me eksperiencë dhe ata që janë të përgjegjshëm të Partisë Socialiste, nuk mund ta mendojnë një gjë të tillë. Sepse fundja fundit, opozita çfarë ka? Opozita fjalën ka ,s’ka gjë tjetër. Po tani kriminelë janë dhe nuk ju vjen mirë kur i thonë kështu. Kjo gjë do të ndodhë. Do fillojnë t’i mbyllin gojën dhe deputetëve, pastaj do fillojnë të mbyllin sheshet. Më vonë do shikomë administratën që do dalë me parulla siç dolën sot për vendosjen e TVSH-së ndaj biznesit të vogël, me parulla që kundër informalitetit po do t’i shikojmë poshtë popullit, kur të dalë gjithë administrata që janë kundër popullit shqiptar .

Çdo bëni znj. Kryemadhi? Do rrini tek shkallët e Kuvendit dhe do ankoheni që Gramoz Ruçi s’iu jep fjalën?
Ne do të sinkronizohemi sepse kjo nuk ka të bëjë sa i përket bindjeve politike. Unë jam e bindur që z. Basha, jo vetëm ai por çdo qytetar shqiptar nuk do të pranojë që ky vend të qeverisesh nga bandat e krimit të organizuar. Unë e kam thënë gjithmonë që z. Rama është rrezik kombëtar dhe po kthehet rrezik rajonal. Kjo është një këmbanë alarmi për gjithë shqiptarët dhe mediat por edhe për Lorencin aty se atë e shkarkuam se gjykoi në ajër aty në parlament. Për të gjithë kjo është këmbanë alarmi për çdo gazetar, shqiptar, për çdo të ri dhe të re, për çdo prind, çdo gjysh e gjyshe. Ky vend po masakrohet. Bandat po marrin në zotërim territoret. Po rizgjohet konflikti i tyre, po rizgjohen interesat e tyre. I dhanë shërbim Edi Ramës më 25 qershor, i shërbyen atij në maksimum dhe tani kërkojnë haraçin ose pjesën e tepsisë. Jua kërkojë këtë juve që i jepni kohë. Vërtet pronarët e mediave kanë interesa tenderash dhe tendera ekonomike. LSI ka kërkuar luftën kundër drogës dhe futjen e ushtrisë dy vite më parë. Dhe ju e dini shumë mirë se si Edi Rama e shkarkoi z. Manjani si Ministër Drejtësie.

Me aprovimin e z. Meta....
Po pse z. Meta nuk është fajtor? Z. Meta është po aq fajtor dhe Lorenci që është sot I pranishëm në studio, që ka qenë këshilltar i z. Meta në Parlament janë po aq fajtor që nuk hapën gojën dhe mbyllën sytë. Lenci mund të flasë shumë mirë siç flet për gjera të tjera, mund të flasë dhe për krimin e organizuar. Kur kemi kërkuar ne si LSI ndërhyrjen e ndërkombëtarëve apo dhe ndërhyrjen e mediave për të denoncuar krimin që po ndodhte në fushatën e zgjedhjeve të 25 qershorit, të gjithë e merrnit me sportivitet. Mos u çudisni kur t’iu vinë banditët nëpër shtëpia dhe t’iu thonë dilni se do ta marr unë këtë shtëpi se do ta bëj lokal. Ka filluar të ndodhë në Fier, në Elbasan, po i nxjerrin njerëzit nga shtëpia sepse i kanë shtëpitë në vende shumë të mira për ti kthyer në lokale që mund të shërbejnë si qendra shpërndarje të drogave për brezin e ri.


Fotografitë që nxorri z.Basha duken shumë të rënda...
Fotografitë janë shumë të rënda dhe Prokuroria duhet të fillojë menjëherë çështjen për këtë gjë. E para njëherë duhet të iki z.Blendi Klosi nga ministër, duhet të japi dorëheqjen, të tregojë që është i ndershëm, nuk ka lidhje me të.

Fakte të tilla hidhen në një studio televizive, ndërkohë që duhet të shkoni menjëherë në prokurori...
Ke shumë të drejtë në këtë që thua, por Opozita është vetëm një zë. PD është një zë i fuqishëm, LSi është pak më i dobët, por edhe ajo do japë kontributin e saj. Por mund të jeni dhe ju si media shumë të rëndësishëm në këtë histori. Fronti kundër krimit të organizuar nuk ka të bëjë me partitë politike, fronti kundër krimit të organizuar ka të bëjë me shqiptarët dhe të fëmijëve të shqiptarëve.
Dërgoja mikut në:
Shkruani komentin tuaj!
 
Përgjimet e Habilajt: "I japim ndonjë kallashnikov, le të vriten mes tyre"
Ish-shefi i policisë: "Habilajt" deshën të më fusnin thikën në mes të lokalit
Habit gazetarja: Moisi Habilaj tentoi të paguante drekën e Ramës dhe ministrave në Vlorë
"Grupet kriminale i lidh gjaku", Zagani: Tahiri drekonte me ta në Vlorë
Gazetari italian: Policia shqiptare është e implikuar në trafikun e drogës

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2017 Albeu Online Media