Home Shqipëri
Pedagogët i përgjigjen Ramës me grevë: S'do durojmë talljen tënde
Pas takimit të përbashkët me kryeministrin Edi Rama ku u kritikuan në sy duke u quajtur "vrima e fundit e kavallit" pedagogët e UT kanë reaguar sërish.

Me anë të një përgjigje publike, Forumi i Pedagogëve shkruan se refuzon gjyhën tallëse dhe shantazhuese të kryeministrit Edi Rama.

"Forumi refuzon gjuhën shantazhuese dhe tallëse, por megjithatë të shqetësuar më shumë se prej talljeve apo kërcënimeve,nga gjendja dramatike dhe problemet e mprehta të pazgjidhura që vazhdojnë të shtohen pafundësisht, shpreh vullnetin për dialog të cilin përveçse publikisht do ta adresojë edhe në mënyrë zyrtare"- thuhet ndër të tjera në reagimin publik.

DEKLARATA E PLOTË:

Forumi për liritë akademike dhe autonominë universitare ndoqi takimin e kryeministrit Edi Rama dhe të ministres së arsimit dhe shkencës znj. Lindita Nikolla me senatin e Universitetit të Tiranës.

Forumi mendon se ky takim nuk është në përgjigje të kërkesave që ne kemi kemi paraqitur publikisht pasi forumi nuk i ka kërkuar Kryeministrit që të marrë rrolin e kryetarit të senatit apo të organeve të zgjedhura të UT-së.

Forumi nuk i ka kërkuar qeverisë që “t’i heqë veshin burokracisë universitare” dhe as shndërrimin e e saj në palë për larjen e hesapeve mes klaneve të brendshme por, hapjen e një dialogu me profesoratin, studentët dhe shoqërinë shqiptare për marrjen e përgjegjësive që i takojnë qeverisë dhe jo vetëm qeverisë, pra për bashkëndarjen e përgjegjësisë për degradimin e gjendjes së arsimit të lartë në vend dhe mosfunksionimin e ligjit për arsimin e lartë.

Forumi nuk ka pasur një kërkesë formale të ardhur nga kryeministri, por edhe sikur të kishte pasur, një takim i tillë pa axhendë të përcaktuar do të ishte krejt i padobishëm.

Arsimi i lartë në Shqipëri nuk mund të shndërrohet në shoë ai është tashmë një dramë.

Një dramë për ne profesoratin, për studentët dhe shoqërinë, një dramë që shpaloset sot para syve të kujtdo me përjashtim të kryeministrit dhe ministres. Një dramë që nesër mund të shndërrohet në tragjedi për dijen dhe vendin.

Forumi refuzon gjuhën shantazhuese dhe tallëse, por megjithatë të shqetësuar më shumë se prej talljeve apo kërcënimeve,nga gjendja dramatike dhe problemet e mprehta të pazgjidhura që vazhdojnë të shtohen pafundësisht, shpreh vullnetin për dialog të cilin përveçse publikisht do ta adresojë edhe në mënyrë zyrtare.

Grupi i negocimit i zgjedhur nga pjesëmarrësit e forumit, pret me seriozitet një përgjigje. Forumi mbetet i palëkundur në vullnetin e tij që në rast refuzimi, të bashkuar me studentët tanë të shkojmë drejt një greve të përgjithshme.

Kordinatori i Forumit

Prof ass Dr Mark Marku /albeu.com/


Dërgoja mikut në:
Shkruani komentin tuaj!
 
Nxorri Ramën "lakuriq", BastArena bën veprimin e çuditshëm pas shpërthimit të skandalit (FOTO LAJM)
Habit motra e Haklajve, uron Sali Berishën për ditëlindje
Babalja nuk heq dorë: Gjer në vdekje, audiopërgjimi është i vërtetë
Babalja tregon si u përpoqën ta blinin njerëz të njohur: Më ofruan 150 mijë euro
Kush është “Taulanti nga Librazhdi”? Tregon Babalja

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2018 Albeu Online Media