Home Shqipëri
Nuk justifikoi pasurinë, prokurorja e Shkodrës rrezikon të shkarkohet
Prokurorja Besa Nikëhasani rrezikon të mos e kalojë testin e Vettingut pasi nuk ka mundur të justifikojë pasurinë.

Sipas KPK, nga hetimi 6 mujor nuk e kalon kriterin e pasurisë.

Sipas raportit të ILDKP, prokurorja rezulton e pastër dhe me deklarim të rregullt pasurie, por KPK ka shkuar edhe më tej duke bërë edhe një hetim të thelluar administrativ, nga ku rezultoi se NIkëhasani dhe bashkëshorti i saj kanë bërë deklarim të rremë dhe s’kanë të ardhura të mjaftueshme për pasurinë që kanë aktualisht.

Bëhet fjalë për një apartament në Lezhë, dy garazhe dhe një fuoristradë me vlerë rreth 20 mijë euro.

Argumentet që ka dhënë prokurorja në seancë duket se nuk e kanë bindur trupën gjykuese, pasi apartamenti me vlerë 90 mijë euro është shlyer në një kohë të shkurtër prej 10 vitesh, ndërsa për makinën e shtrenjtë është justifikuar duke thënë se ka 3 fëmijë dhe i duhet të shkojë çdo ditë nga Lezha në Shkodër.

Kujtojmë se Besa Nikëhasani kandidon për në këshillin e lartë të prokurorisë dhe në seancën e sotme nuk kishte zgjedhur avokat.

KPK deri tani ka shkarkuar dy gjyqtarët Fatos Lulo dhe Besim Trezhnjeva, me argumentin se nuk justifikojnë dot pasuritë. /albeu.com/

Dërgoja mikut në:
Shkruani komentin tuaj!
 
Aksident i rëndë në Korçë, "Range Roveri" përplaset me autobusin
Turisti tmerrohet nga ajo çfarë shikon në rrugët e Shqipërisë, alarmon policinë (VIDEO)
EMRI/ Kamioni del nga rruga në malin e Tomorrit, vdes shoferi
Basha uron Pashkët nga Kisha e Laçit (VIDEO)
Kishte mbi 20 vetë brenda frugonit me 12 vende, policia ndëshkon dibranin

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2019 Albeu Online Media