Home Shqipëri
6 të dënuar për vdekjen e shqiptarit në Itali
Pas tetë vjetësh ka përfunduar gjykimi i shkallës së parë për vdekjen në portin e Livornos të punëtorit shqiptar Dashnor Quallia, 38 vjeç, i martuar, me dy fëmijë, të moshës 12 e 9 vjeç në kohën e tragjedisë.

Ishte në ditën e tij të parë të punës në Livorno bashkë me kolegët e kooperativës Ma. Ris. nga La Spezia. Punëtori shqiptar ishte ngjitur në bigën lundruese Mediterraneo për të kryer punime në anijen Amoretti. Ishte veshur me rroba pune, brez e këpucë anti-dëmtim, por nuk ishte pajisur me xhiboks shpëtimi. Për fatin e tij të keq, rrëshqiti duke përfunduar në det dhe u mbyt.

Procesi i shkallës së parë u mbyt me dënimin e gjashtë prej sipërmarrësve e manaxherëve. Fillimisht, të akuzuarit nga prokurorja Antonella Tenerani ishin dhjetë, me akuzën për vrasje pa dashje, pakujdesi në punë dhe dhunim të normave të parandalimit të dëmtimeve në punë.

Të dënuarit në përfundim të procesit janë gjashtë. Administratori i deleguar i firmës manaxhuese dhe shefi i sigurisë u dënuan me nga 18 muaj burg, ndërsa tre të tjerë me nga një vit.
Dërgoja mikut në:
Shkruani komentin tuaj!
 
I gjetën të vdekur në stan, dyshimet e para për dy të rinjtë në Pukë
Djali takon për herë të parë pas 41 vitesh nënën e tij biologjike
E goditën me tullë në kokë, kush është mjeku në Durrës
Shtrëngoni fort palltot, acari pushton Shqipërinë nesër
Mjeku goditet me tullë në kokë në spitalin e Durrësit

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2019 Albeu Online Media