Home Shqipëri
Shtatori për plazh, meteorologët japin parashikimin e motit për Shqipërinë
Temperaturat e larta do të dominojnë të gjithë pjesën e mbetur të muajit shtator, duke e shtyrë kësisoj stinën e vjeshtës dhe reshjeve të shiut në tetor.

Të paktën ky është parashikimi i meteorologëve, të cilët shprehen se temperaturat e nxehta do të qëndrojnë edhe në shtator, ndërsa reshjet e shiut do të jenë të pakta.


Meteorologia Tanja Porja u shpreh se vetëm këtë të mërkurë pritet që në zonat qendrore të Shqipërisë, të ketë reshje shiu në formë rrebeshesh, ndërsa duke filluar nga dita e nesërme, temperaturat dhe moti i thatë do të rikthehen për të qëndruar gjatë.

"Parashikohet që orët vijuese të mbeten të rrezikuara nga rrebeshet e shiut, duke prekur dhe një pjesë të mirë të zonave qendrore. Nga nesër do të kemi një përmirësim të kushteve atmosferike, duke bërë që reshjet të mbeten vetën në zonat malore. Në dy dhjetëditëshat e tjerë të shtatorit parashikohet një klimë e thatë, e kthjellët.

Që nga nesër do të kemi rritje të temperaturave. Parashikohet që moti të jetë i qëndrueshëm në të gjitha ditët e shtatorit. Deri më 25-26 nuk do të kemi reshje të dendura shiu. Mot i qëndrueshëm do të jetë në gjithë zonën bregdetare, duke bërë që plazhi të vijojë.

Në fundjavë temperaturat mund të arrijnë deri në 34 gradë C. Franca dhe Italia do të shënojnë temperaturat mjaft të larta, mbi normalen. Edhe Shqipëria do të jetë e ndjeshme, ku temperatura më e lartë do shkojë deri më 35 gradë C. Megjithatë, lagështia do të mbetet, pasi rrebeshet do të prekin një pjesë të zonave malore. Do ketë zagushi, që do bëjë që ne të ndjejmë edhe më shumë të nxehtin, sidomos kryeqyteti"-tha Porja, News 24.
Dërgoja mikut në:
Shkruani komentin tuaj!
 
E FUNDIT/ Policia zbarkon tek "Syri.net" dhe "Shekulli Online" pas lajmit për tërmetin
Ministrja e Mbrojtjes qëtëson qytetarët: Nuk parashikohen tërmete
Sizmologu Ormeni pas njoftimeve të rreme për termet: I ftoj qytetaret të jene të qetë
Një "fake news" derdh Tiranën rrugëve: Banorët kanë dalë jashtë pas thashethemit për një tërmet të madh (VIDEO)
Tërmeti krijon sërish panik në Tiranë, banorët dalin në rrugë

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2019 Albeu Online Media