Home Shqipëri
4 fëmijë të prekur nga koronavirusi, mjekja flet për gjendjen e tyre shëndetësore
Situata e koronaviusit po përkeqësohet dita-ditës edhe në Shqipëri teksa ditën e sotme u konfirmuan dhe katër fëmijë.

Në një lidhje në “Opinion”, mjekja pediatre Gjeorgjina Kuli tha se ata janë përkatësisht të moshës 3, 10, 13 dhe 15 vjeç.

“Pritej të gjenim edhe fëmijë të kontaminuar sepse jetojnë edhe në të njëjat ambjente, por janë fëmijë të shëndetshëm, nuk paraqesin shenja të sëmundjes dhe nuk janë paraqitur në spital. Janë gjetur nga hulumtimi epidemiologjik në familjet e të prekurve. Mosha më e vogël është 3 vjeç dhe është kontaminuar nga nëna e tij, të tjerët janë 10, 13 dhe 15 vjeç”, tha mjekja.

Fevziu: Në parim a kanë rreziqe për fëmijët?

Kuli: Në parim nga eksperienca e vendeve që kanë kaluar shumë më tepër raste se ne, thuhet që fëmijët bëjnë forma të lehta. 90% bëjnë forma asimptomatike ose të lehta, që shpesh mund të konsiderohen si infeksione virale. Pa dhënë shenja specifike. Ne gjatë kësaj periudhe kemi patur fëmijë me temperaturë, me probleme respiratore dhe kemi dyshuar sidomos kur kanë ardhur nga vende që kanë patur zona të prekura nga COVID. Ju kemi bërë testet dhe kanë rezultuar negative. Deri tani situate ka qenë si çdo vit, por nuk e di si do vazhdojë.

Fevziu: Si mund t’i mbrojmë fëmijët?

Kuli: Njësoj si të tjerët. Distanicimi social, është shumë i vështirë, por duhet që prindërit të bëhen kretivë, me lojëra. Të mos lejojnë që të hapin televizorin, sepse dhe koha e televizorit duhet të jetë një kohë e organizuar mirë.

Fevziu: Nuk duhet t’i lënë as të dalin?

Kuli: Nëse kanë një shtëpi me oborr, një ballkon të bukur që i bie dielli, mund të shfrytëzohet. Për këtë periudhë kohe do të mundohemi që të realizojmë izolimin, sepse kjo është e vetmja mbrojtje.

Fevziu: Nëse do të kenë simptoma, si do të trajtohen?

Kuli: Simptomat janë temperatura, mosushqyerja, të vjella, diarre dhe sipas shenjave që paraqesin duhet të asistohen. Nuk ka nënë që nuk ka në shurup ulës të temperaturës, të telefonojë pediatrin apo mjeken e konsultorin në lidhje me shenjat e fëmijës.
Dërgoja mikut në:
Shkruani komentin tuaj!
 
Mjeku shqiptar: Vetë u shërova por kam infektuar vajzën me koronavirus
Këshilltari i Merkel sulmon Sorecan me foton e tankeve në Tiranë; E turpshme për BE!
Kini kujdes! OBSH zbulon 3 fakte të reja për COVID-19 dhe duhen lexuar
Artur Zheji: Rama bashkë me ministrat kanë bërë testin e COVID-19 në një spital privat
Bilanc tragjik nga koronavirusi në SHBA: 1098 viktima gjatë 24 orëve të fundit

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2020 Albeu Online Media