Home Shqipëri
"Dëgjoja vetëm ulërima", i mbijetuari nga rrëzimi i avionit tregon tmerrin
Një nga të mbijetuarit e rrëzimit të avionit me rreth 100 persona në bord, ditën e djeshm në qytetin pakistanez, Karaçi ka përshkruar përvojën e tij të tmerrshme.

Pasagjeri Muhamed Zubair ishte një nga të paktën dy pasagjerët që mbijetuan pasi Airbus A320 i Pakistanit Ndërkombëtar (PIA) u përplas në një zonë të banuar.

Autoritetet shëndetësore në provincën Sindh thanë që 97 persona të vdekur ishin konfirmuar, ndërsa shkaku i rrëzimit të avionit nuk dihet ende.

Rrëzimi i avionit erdhi disa ditë pasi Pakistani lejoi të rifillojnë fluturimet tregtare, pasi masat bllokuese për shkak të shpërthimit të koronavirusit u lehtësuan.

Si shpëtoi Muhamed Zubair?

Avioni që transportonte 91 pasagjerë dhe tetë ekuipazh, përfshirë shumë familje, që udhëtonin përpara festës së Bajramit të së Dielës ishte nisur nga Lahore.

Teksa po përpiqej të ulej në Aeroportin Ndërkombëtar Jinnah, të Karaçi në rreth orës 14:30 me kohën lokale (09:30 GMT) avioni u përplas me një zonë të banuar.

Zubair, i cili pësoi vetëm plagë të lehta, tha se aeroplani po përpiqej të ulej dhe u rrëzua 10-15 minuta më vonë.

“Askush nuk ishte në dijeni se avioni ishte gati të rrëzohej. Ata po e drejtonin avionin në mënyrë të qetë” tha ai.

Pas rrëzimit të avionit, Zubair humbi ndjenjat. Kur u përmend Zubair tha: “Unë dëgjoja ulërima nga të gjitha drejtimet. Fëmijë dhe të rritur dhe gjithçka që mund të shihja ishte zjarr. Nuk shihja ndonjë njeri, thjesht dëgjoja britmat e tyre”.

“Hapa rripin e sigurimit dhe pashë dritë, shkova drejt dritës. Më duhej të hidhesha poshtë rreth 3m për të arritur te siguria”, shtoi ai./ BBC



Dërgoja mikut në:
Shkruani komentin tuaj!
 
Mjeku Kalo me apel të fortë: Populli është drobitur nga zhagitja 30-vjeçare
Me armë në brez gati për të qëlluar, si u kap "mat" 45-vjeçari i rrezikshëm në Tiranë
Tmerr për këmbësorët, i riu u sulej dhe i vidhte në mes të ditës
Nikoll Lesi thirrje Bashës: Mos e bëj këtë se do të të shqyejë sërish Rama
Deklarata e fortë Myslim Murrizit: Shqiptarët të bëhen gati për një '97 të dytë në shtator!

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2020 Albeu Online Media