Home Kosovë
Thaçi pranon letrat kredenciale nga ambasadori i ri i Emirateve të Bashkuara
Presidenti i Kosovës, Hashim Thaçi pranoi letrat kredenciale nga ambasadori i ri jorezident i Emirateve të Bashkuara Arabe për Republikën e Kosovës, Abdulasam Hareb Obaid Al Romaithi.

Kreu i shtetit e uroi ambasadorin, Abdulasam Hareb Obaid Al Romaithi për detyrën e re.

“Urime për postin e ri. Raportet tona janë të shkëlqyeshme. Falënderojmë angazhimin e pakursyer të Emirateve për njohjen dhe shtetndërtimin në Kosovë”, theksoi presidenti Thaçi.

Thaçi tha se Emiratet kanë bërë shumë edhe në shtimin e njohjeve për Kosovën, për çka do të jemi mirënjohës.

Ndërsa, ambasadori Abdulasam Hareb Obaid Al Romaithi, duke uruar presidentin Thaçi me rastin e 10 vjetorit të pavarësisë, tha se Emiratet e Bashkuara Arabe do të vazhdojnë mbështetjen për Republikën e Kosovës.

“Emiratet do të qëndrojnë përkrah popullit të Kosovës dhe do të vazhdojnë të mbështesin Kosovën në të gjitha fushat”, tha ambasadori Abdulasam Hareb Obaid Al Romaithi .

Në fund presidenti Thaçi tha se raportet e mira duhet t’i zgjerojmë edhe në fushën e ekonomisë, ku duhet të kemi më shumë shkëmbime tregtare, thuhet në komunikatën për media. /albeu.com/
Dërgoja mikut në:


Shkruani komentin tuaj!
 
I refuzuan dekoratat, flet Thaçi
Kur do të bëhet Kosova me ushtri
Gjermania dëbon kosovarin, baba të 6 fëmijëve
The Guardian: E ardhmja e Kosovës, e pasigurt
Presidenti fal shtatë persona të dënuar me burg

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2018 Albeu Online Media