Home Kosovë
Plas tregtia me dokumenta gjermane, kaq mund të blihen
Një njoftim që po qarkullon në mediet gjermane bën fjalë për shifra shqetësuese të rasteve të shitjes ilegale përmes internetit, të dokumenteve gjermane. Në fokus të lajmit është shitja e dokumenteve të refugjatëve, por po ashtu objekte të shitblerjes janë edhe kartelat e bankave, të sigurimit shëndetësor etj.

Siç shkruan Spiegel.de, Policia Federale përmes një analize ka tërhequr vërejtjen nga “lulëzimi” i tregtisë me identitete në internet, transmeton albinfo.ch.

Në radhë të parë këtu bëhet fjalë për dokumentet e azilkërkuesve me status të pranuar te azilit. Para së gjithash janë refugjatët sirianë ata të cilët, duke filluar nga fundi i vitit 2016 me një shpeshtim të theksuar, kanë bërë në ambasadat e shteteve të BE-së në Turqi, paraqitjen e gjoja humbjes dokumenteve të tyre evropiane, thuhet në analizë. Kështu, është duke u dyshuar se dokumentete udhëtimit po shiten ose po jepen në ndonjë mënyrë më tutje, transmeton albinfo.ch burimin gjerman.

Gazeta përmend raste konkrete ku një dokument gjerman është shitur deri në 1500 euro.

Pranues të dokumenteve janë të shumtën e rasteve sirianë të tjerë, të cilët janë në arrati dhe me dokumentet e siguruara në këtë mënyrë, arrijnë më lehtë në Gjermani.
Sipas të dhënave të policisë, dokumente të tilla janë shitblerë më së humti në Greqi. Prej atje, me dokumente valide, poseduesit e tyre të rinj kanë pasur mundësi që pa iu nënshtruar kontrolleve kufitare të hipnin në aeroplan dhe të aterronin në Stokholm, Frankfurt ose në Amsterdam.

Sipas të dhënave të Ministrisë së Punëve të Brendshme, Policia Federale gjatë vitit 2017 ka zbuluar 554 raste në të cilat dokuementet valide janë përdorur për hyrje të palejuar në Gjermani, transmeton albinfo.ch. Një vit më parë numri i tyre ka qenë 460.

Sa i përket vitit 2017 bëhet fjalë për 100 dokumente të shitura të Gjermanisë, 99 të Italisë dhe 52 të Francës. Pasojnë dokumentet nga shtete si: Suedia, Greqia dhe Belgjika.

Në një numër të vogël rastesh, sipas Zyrës Federale të Kriminalitetit, dokumentet gjermane të refugjatëve janë keqpërdorur për të hyrë në Gjermani edhe nga persona të dyshuar si terroristë. Ministria e Brendshme thotë se bëhet fjalë si për shtetas sirianë dhe irakianë të cilët kanë qenë pjesë e organizatave terroriste ashtu dhe për ekstremistë që kishin shkuar më parë në xhihad dhe tash po ktheheshin në Gjermani.


Dërgoja mikut në:
Shkruani komentin tuaj!
 
Aktorët turq në skena të nxehta erotike, çmenden rrjetet sociale (FOTO LAJM)
Çudit Haradinaj: Presim që liberalizimi i vizave të ndodhë para Vitit të Ri
BE këmbëngul se dialogu do të udhëhiqet nga Thaçi
Partia e Haradinajt godet Mogherinin: Nuk je e paanëshme, largohu
Enca nxjerr një foto por të gjithë pyesin: Mos është shtatzanë? (FOTO LAJM)

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2018 Albeu Online Media