Home Kosovë
Maqedonia merr ftesën për në NATO
Projekt konkluzionet e Samitit të NATO-s parashikojnë që Maqedonia sot merr ftesë për fillimin e negociatave për anëtarësim në Aleancë dhe anëtarësimin e plotë pas përfundimit të të gjitha procedurave të brendshme, gjegjësisht implementimin e plotë të Marrëveshjes për Çështjen e Emrit ndërmjet Republikës së Greqisë dhe Republikës së Maqedonisë.

“Në vitin 2008 vendosëm se NATO do t’i ndajë ftesë IRJM-së për inkuadrim në Aleancë sapo të gjendet zgjidhje e pranueshme nga të dyja palët për emrin në suaza të OKB-së. E përshëndesim marrëveshjen historike mes Athinës dhe Shkupit për zgjidhjen e kontestit me emrin.

Në pajtim me politikën tonë vendosëm ta ftojmë Qeverinë e Shkupit t’i fillojë negociatat me Aleancën. Implementimi i tërësishëm i të gjitha procedurave të parapara të brendshme lidhur me Marrëveshjen për zgjidhjen e kontestit me emrin është kusht për përfundimin e procesit inkuadrues”, citohet në Projekt konkluzionet.

Në konkluzionet e Samitit përshëndetet edhe Marrëveshja me Bullgarinë.

“I përshëndesim përpjekjet e Qeverisë në vitin e fundit dhe progresin e konsiderueshëm që është arritur për prioritetet e caktuara urgjente reformuese dhe inkurajojmë reforma shtesë që të përforcohet kontributi ndaj Alenacës”.

NATO i përshëndet edhe përpjekjet për ndërtimin e shoqërisë multietnike dhe bënë thirrje në përpjekje shtesë në këtë drejtim, gjithashtu përshëndet edhe kontributin e Maqedonisë në misionet për sigurinë ndërkombëtare.
Dërgoja mikut në:
Shkruani komentin tuaj!
 
FOTO EKSKLUZIVE/ Shijoni fitoren magjike të Kosovës kundër Azerbajxhanit
Këto pamje të kënaqin shpirtin, Kosova feston me këngë fitoren (VIDEO)
Menaxhmenti i Mehmet Akifit jeton në ankth nga frika e deportimit në Turqi
babai rrëfen si e rrahu djalin për vdekje
Këto janë shtetet që votuan kundër Kosovës në Interpol

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2018 Albeu Online Media