Home Kosovë
Gjermania sërish reagon për korrigjimin e kufirit
Ambasadori gjerman në Kosovë, Christian Heldt, gjatë një tryeze ku është folur për dialogun Kosovë-Serbi, ka thënë se Gjermania nuk e ka ndryshuar qëndrimin e saj kundër korrigjimit të kufirit.

Fondacioni i Kosovës për Shoqëri të Hapur organizoi tryezën “ Negociatat Kosovë- Serbi: Një qasje racionale?”, e cila është në vazhdën e ciklit të Forumit 2015

Ambasadori i Gjermanisë, Christian Heldt, gjatë tryezës së organizuar nga Fondacioni i Kosovës për Shoqëri të Hapur, me temën “ Negociatat Kosovë- Serbi: Një qasje racionale?”, tha se temat të cilat janë biseduar në Bruksel kanë qenë diskrete dhe se ai është për një qasje pozitive për arritjen e një marrëveshjeje.

“Unë vërtetë do të avokoja për një qasje pozitive se si të zgjidhen me një qasje pozitive pengesat në të cilat po kaloni. Në masë të madhe varet se për sa substancë është folur. Ne nuk i dimë cilat kanë qenë temat e bisedimeve, ky është një proces që është trajtuar në mënyrë shumë diskrete. Ne e mbështesim plotësisht dialogun. Mirëpo në lidhje me hollësitë palët që janë të përfshira në këtë mund të japin një kohë se kur do të zgjidhet”, shtoi Heldt.

Gjithashtu Heldt tha se nuk i komenton opsionet të cilat u votuan nga pjesëmarrësit ku alternativa “Kurrfarë shkëmbimi territorial, por themelimi i Asociacionit të Komunave me shumicë serbe, duke respektuar plotësisht Kushtetutën e Kosovës”, e votuan 52.9 për qind.

Por përsëriti se qëndrimi i qeverisë gjermane karshi dialogut është i njëjtë dhe i pandryshueshëm.

“Unë nuk dua të komentoj për këto rezultate pasi qëndrimi i qeverisë sime është i njëjtë dhe i pandryshueshëm, i cili ka të bëjë me një zgjidhje të qëndrueshme dhe një paqeje në rajon. Këto tema janë të diskutuara publikisht. Unë nuk dua të komentoj sepse kjo është çështje e kosovarëve dhe serbëve. Duhet të kemi një vizion më të gjerë strategjik. Ne të gjithë jemi të anëtarësuar në BE dhe kurdo që kjo të ndodhë, ideja themelore është që të gjitha shtetet të punojnë së bashku në BE”, tha Heldt.


Dërgoja mikut në:
Shkruani komentin tuaj!
 
Ymeri i drejtohet Kurtit: Po vajton si kukuvajkë
Motra e Genta Ismajlit "shkrin borën" dhe kënaq fansat me këto poza (FOTO LAJM)
Thaçi: Serbia ka bërë gjenocid por me dialog do ta mbyllim këtë temë
Reagimi i parë i Ahmetit pasi ju bashkua Haradinajt (FOTO LAJM)
Gjykata Speciale do të marrë edhe Hashim Thaçin

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2018 Albeu Online Media