Home Kosovë
Komuna e Prishtinës përfundon në gjykatë
Ministria e Administrimit dhe Pushtetit Lokal përmes Ministrisë së Drejtësisë, më datë 5 tetor 2018, ka njoftuar se ka paditur komunën e Prishtinës, për arsye se nuk ka respektuar urdhrat e Ministrisë së Administrimit dhe Pushtetit Lokal, gjatë procedurës së emërimit të anëtarëve të Komitetit për Politikë dhe Financa.
Vendimi i Kuvendit të Komunës së Prishtinës, Nr. 01-020/15228/18, i miratuar më datë: 18 janar 2018, që kishte paraparë emërimin e 11 anëtarëve në Komitetin për Politikë dhe Financa, bie në kundërshtim me Ligjin për Barazi Gjinore Nr.05/L-20, sepse nuk ka garantuar përfaqësim të barabartë gjinor të grave në këtë trup ndihmues të punës së Kuvendit.

Ky veprim i Komunës së Prishtinës, pas kontrollit të ligjshmërisë nga MAPL-ja konstatohet se është në kundërshtim me dispozitat ligjore në fuqi. Kjo për faktin se nga 11 anëtarë të emëruar, kuvendi komunal i Prishtinës kishte zgjedhur 3 gra dhe 8 burra, veprim i cili shkel kriterin e përcaktuar në Ligjin për Barazi Gjinore që thotë se: “Përfaqësimi i barabartë gjinor në gjitha organet legjislative, ekzekutive dhe gjyqësore dhe institucionet tjera publike arrihet kur sigurohet përfaqësim minimal prej pesëdhjetë përqind (50%) për secilën gjini, përfshirë edhe organet e tyre drejtuese dhe vendimmarrëse”.

Sipas kësaj shkrese njoftuese, sqarohet se Kuvendi i Komunës së Prishtinës, konform nenit 82.2 të Ligjit nr. 03/L040 për Vetëqeverisjes Lokale, nuk ka ndërmarrë asnjë veprim ndaj kërkesës së MAPL-së për shqyrtim dhe harmonizim të aktit me legjislacionin në fuqi, dhe si rrjedhojë, Ministria e Administrimit dhe Pushtetit Lokal, në bazë të nenit 82 të Ligjit nr. 03/L040 për Vetëqeverisjes Lokale, ka dërgu aktin Nr. 01-020/15228/18 të Komunës së Prishtinës për emërimin e anëtarëve të KPF, në gjykatën kompetente.

Më datë 7 shkurt 2018, MAPL, i kishte dërguar komunës së Prishtinës kërkesën për rishqyrtim të aktit, kurse Kuvendi i Komunës së Vushtrrisë nuk kishte ndërmarrë asnjë veprim konform kërkesës së MAPL-së, duke shkelur dispozitat ligjore në fuqi.


Dërgoja mikut në:
Shkruani komentin tuaj!
 
Thaçi si Rama: Po shpif, po shpif!
Deliron studiuesi serb: Shqipëria shtet kukull e Europës, e krijuan për inatin tonë (FOTO LAJM)
I vodhi çantën plot me euro kosovarit, në pranga polici shqiptar
A do të ketë ndeshje Kosovë-Serbi? UEFA merr vendimin e papritur
Thaçi paralajmëron vizitë në Preshevë

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2018 Albeu Online Media