Home Kosovë
32 vite më parë, kur Fadil Vokrri luantë kundër Anglisë (VIDEO)
Në stadiumin e Crvena Zvezdas në Beograd, më 11 nëntor të vitit 1987, Fadil Vokrri e kishte zhvilluar ndeshjen e tij të fundit me fanellën e Kombëtares së Jugosllavisë. Në këtë ndeshje, ai kishte pësuar disfatë 4:1 kundër Anglisë.

Kosova pësoi mbrëmë disfatë 5:3 kundër Anglisë në stadiumin e Southamptonit, "St.Mary’s", në kuadër të Grupit A për kualifikim në Kampionatin Evropian 2020, shkruan Gazeta Express.

Mirëpo, 32 vjet më parë, Fadil Vokrri, i cili konsiderohet nga shumë njerëz si futbollisti më i mirë në histori të futbollit kosovar, kishte pësuar disfatë me epërsi më të thellë kundër anglezëve, por si përfaqësues i Jugosllavisë e jo i Kosovës.

Anglia e kishte fituar atë ndeshje me rezultat 4:1, falë golave të Peter Beardsley (4’), John Barnes (17’), Bryan Robson (20’) dhe Tony Adams (25’). Ndërsa, golin e vetëm për Jugosllavinë e kishte shënuar Srecko Katanec, dhjetë minuta para fundit të ndeshjes.

Në mesin e futbollistëve që dolën si startues në fushën e stadiumit të Crvena Zvezdas ishte edhe Fadil Vokrri, i cili e mbante fanellën me numër nëntë, përderisa në atë kohë luante për Partizanin e Beogradit.

Disfata në këtë ndeshje kishte qenë më e thella në histori për Jugosllavinë që nga disfata 6:1 kundër Skocisë në miqësore më 12 shtator të vitit 1984, ku Vokrri e kishte shënuar golin e vetëm për Jugosllavinë.

Kjo kishte qenë paraqitja e fundit e Vokrrit për Jugosllavinë, përkundër që i kishte shënuar gjashtë gola në 12 ndeshje. Por, kjo ndeshje e bindi trajneri Ivica Susic të ftojë disa lojtarë të rinj, si Safet Susicin, që atë kohë luante për Paris Saint-Germainin.

Vokrri e vazhdoi karrierën me Partizanin edhe dy vjet të tjera, ndërsa pastaj vazhdoi në Turqi dhe Francë. Pas pensionimit dhe pas fundit të luftës në Kosovë, Vokrri u kthye në vendlindje dhe u bë drejtor sportiv i Prishtinës.

Më 16 shkurt të vitit 2008, ai u zgjodh president i Federatës së Futbollit të Kosovës dhe e mbajti këtë pozitë deri në vdekje, më 9 qershor 2018. Ndër arritjet e tij më të mëdha ishte anëtarësimi i Kosovës në FIFA e UEFA në vitin 2016.



/Express/
Dërgoja mikut në:
Shkruani komentin tuaj!
 
Ky është kandidati për Kryeministër që merr më shumë "like" në Facebook
Vjosa Osmani solidarizohet me të lënduarit në Shqipëri: Në këto momente të vështira, jemi me ju
Haradinaj: Njerëzit tanë po shkojnë në Tiranë, e Tirana mezi po i kryen punët e veta
Haradinaj tregon a e refuzoi ftesën e Donald Trump për të vizituar Amerikën
Bosnja dhe Hercegovina i ofron Serbisë Republikën Serbe dhe 4 komunat veriore serbe të Kosovës

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2019 Albeu Online Media