Home Kosovë
U zhduk 27 vjet më parë në Bosnje, eshtrat e shqiptarit kthehen në vendlindje
Rifat Berisha (1945), nga fshati Gurbardh i Komunës së Malishevës 27 vite më parë ishte zhdukur diku në Bosnje, gjatë rrugëtimit të tij për në Slloveni. Pas 27 vite të zhdukjes, janë gjetur eshtrat e tij dhe sot janë kthyer në vendlindje, pranë familjes dhe fisit të tij, në Gurbardh, bëhet e ditur përmes një komunikate për media nga Zyra për Informim e Komunës së Malishevës.

“Eshtrat e të ndjerit Rifat Berisha, sot janë pranuar nga familja, në kufirin e Kosovës me Malin e Zi, ndërsa në pranimin e arkivolit, krahas familjarëve, ishte i pranishëm edhe nënkryetari i Komunës së Malishevës, Hajdin Berisha dhe zyrtarët e Komisionit Qeveritar për të Pagjeturit, të prirë nga Prenk Gjetaj”, thuhet në komunikatë, transmeton Koha.net.

Nënkryetari i Komunës së Malishevës, e ka përshkruar “si një moment emocionues, gjetjen pas 27 viteve dhe kthimin e eshtrave në vendlindje, por edhe moment i dhimbjes për familjarët, të cilët për 27 vite jetuan në ankth dhe vuajtje në kërkim të familjarit”.

Me këtë rast, Berisha, ka bërë të ditur se në Komunën e Malishevës vazhdojnë të jenë të zhdukur edhe 38 persona.

Ndërsa djali i Rifatit, Driton Berisha, i ka përshkruar momentet e fundit kur e ka parë prindin, kur ishte vetëm 7 vjeç, ndërsa ka treguar se prindi i tij, ishte nisur për të shkuar në Slloveni, në vitin 1992, kur edhe ishte zhdukur diku në Bosnje, gjatë luftës atje.

“Nuk jemi ndalur asnjëherë së kërkuari, për 27 vite, derisa e kemi gjetur, prandaj ju bëj thirrje të gjitha familjeve që të mos i humbin shpresat për gjetjen e familjarëve të tyre të zhdukur, por të angazhohen deri në fund”, është shprehur ai.

Ai e ka falënderuar edhe Komunën e Malishevës, për përkrahje.
Dërgoja mikut në:
Shkruani komentin tuaj!
 
Banorët e Veternikut në protestë
Muriqi "çmend" Stambollin, shënon dhe i jep fitoren Fenerbahces (VIDEO)
Bllokohet në aeroport nëna shqiptare me fëmijët
VV pritet të mbushë autobusët me votues nga Gjermania për në Kosovë (FOTO LAJM)
Vuçiç nxit debat të ashpër në Beograd, çdo kush del me nga një plan për Kosovën

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2019 Albeu Online Media