Home Kosovë
Gazzetta dello Sport: Kosova, "hirushja" që ëndërron kualifikimin në "Euro 2020"
Gazzetta dello Sport: Kosova "hirushja" që ëndërron kualifikimin në "Euro 2020"

Kosova ka befasuar të gjithë jo vetëm shqiptarët por mbarë botën. Një skuadër me plot talente në përbërje e cila deri më tani ka dhuruar spektal teksa ëndërron të marrë pjesë në Euro 2020.

Por nga suksesi i Kosovës, nuk ka lënë pa u vënë re. Gazeta prestigjoze italiane "Corriere dello Sport", i ka kushtuar një artikull Kombëtares së Kosovës duke e cilësuar atë si hirushja e Euro 2020, që ëndëron të marrë pjesë në "Euro 2020".


Analiza për Kosovën:


Nga njëra anë në tjetrën, nga grupi J në grupin A. Ndërsa Anglia vrapon si kokë grupi, lufta për vendin e dytë përfshin edhe Kosovën e vogël. Kjo e fundit minoi shanset e Republikës Çeke, së fundmi. Kombëtarja kosovare, në të cilën militon midis të tjerëve Valon Berisha i Lazios, përfaqëson një shtet të lindur 11 vite më parë dhe jo plotësisht të njohur nga bashkësia ndërkombëtare.

Kush e forcon më shumë imazhin gjeopolitik se rezultatet e kombëtares së këtij shteti ballkanas?

Kosova është e treta në grup, me 8 pikë, vetëm një pikë mbas vendit të dytë, Republikës së Çekisë. Ecuria prej 14 ndeshjesh radhazi pa humbje u prish vetëm mbrëmë, në Angli (5-3). Xhiroja tjetër e këtyre kualifikueseve do të paraqesë një mundësi të mrekullueshme për “Dardanët”.

Republika Çeke do të ketë punë me Anglinë e fortë,ndërsa Kosova do të presë Malin e Zi (teorikisht, kundërshtar më i përballueshëm). Më pas, më 14 nëntor, menyja e xhiros së parafundit të fushatës eliminatore do të rezervojë përplasjen e drejtpërdrejtë në Plzen, pasi ndeshja e parë, të shtunën e kaluar në Prishtinë, përfundoi me suksesin kosovar 2-1.

Një kombëtare e formuar zyrtarisht vetëm në vitin 2016, e cili mund të kualifikohet në Kampionatin Evropian që në provën e parë. Kjo është Kosova. /albeu.com/
Dërgoja mikut në:
Shkruani komentin tuaj!
 
Banorët e Veternikut në protestë
Muriqi "çmend" Stambollin, shënon dhe i jep fitoren Fenerbahces (VIDEO)
Bllokohet në aeroport nëna shqiptare me fëmijët
VV pritet të mbushë autobusët me votues nga Gjermania për në Kosovë (FOTO LAJM)
Vuçiç nxit debat të ashpër në Beograd, çdo kush del me nga një plan për Kosovën

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2019 Albeu Online Media