Home Kosovë
Albin Kurti i propozon oraret e takimit Hashim Thaçit
Kryeministri i Kosovës, Albin Kurti, të mërkurën, përmes një letre, ka kërkuar takim me presidentin Hashim Thaçi, për të harmonizuar qëndrimet rreth politikës së jashtme, para konferencës së sigurisë në Mynih të Gjermanisë. Në letër, Kurti i ka thënë Thaçit se “politika e jashtme është ajo që duhet të na bashkojë”.

“Le ta japim tërë kapacitetin tonë intelektual e patriotik në prezantimet e takimet që do t’i bëjmë. Ju ftoj për sot në orën 12:00, 16:00 ose 17:30 apo edhe në mbrëmje që të takohemi e të dakordohemi së bashku për temat e për qëndrimet tona”, thuhet mes tjerash në letër.

Por, në anën tjetër, Zyra e Presidentit, ka njoftuar se Thaçi ka udhëtuar sot për në Gjermani, ku do të marrë pjesë në Konferencën e Sigurisë së Munihut.

“Në margjinat e Konferencës së Sigurisë së Munihut, presidenti Thaçi do të ketë takime të ndryshme bilaterale, ndër të tjera edhe me senatorët amerikanë Ron Johnson dhe Chris Murphy, me Ndihmëssekretarin e Departamentit të Shtetit, Philip Reeker, pastaj me Drejtorin Politik të Ministrisë së Jashtme të Mbretërisë së Bashkuar, Richard Moore, si dhe me Ministrin e Jashtëm të Sllovakisë, Miroslav Lajçak”, thuhet në njoftimin nga Zyra e Presidentit.

Po ashtu, presidenti Thaçi në kuadër të kësaj konference, sipas këtij njoftimi, do ta takojë edhe të dërguarin e posaçëm të Presidentit Donald Trump për dialogun Kosovë – Serbi, ambasadorin Richard Grenell.

Kërkesa e Kurtit për takim me Thaçin, vjen në kohën kur Shtetet e Bashkuara të Amerikës dhe Bashkimi Evropian i kanë intensifikuar thirrjet për vazhdimin e dialogut me Serbinë./REL
Dërgoja mikut në:
Shkruani komentin tuaj!
 
Kryeministri Kurti del në konferencë për media në orën 18:30
Muriqi mund të luajë në Premier League
Lëkundet koalicioni: LDK i del përfundimisht kundër Albin Kurtit për taksën
Skënder Hyseni kundër Kurtit: Hiqni taksën ndaj Serbisë
Asnjë person i dyshuar me koronavirus deri tani në Kosovë

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2020 Albeu Online Media