Home Kosovë
Thaci uron Bajramin, kërkon të shmangen vizitat tradicionale tek njëri tjetri
Presidenti i Kosovës, Hashim Thaçi ua ka uruar festën e Fitër Bajramit besimtarëve myslimanë në Kosovë.

Me anë të një postimi në Facebook, presidenti ka uruar që agjëruesve t’u jenë pranuar sakrificat dhe lutjet.

Thaçi po ashtu ka kërkuar nga qytetarët që t’i shmangin vizitat tradicionale tek njëri tjetri, për shkak se siç është shprehur ai, “pandemia ende nuk ka kaluar”.

Postim i plotë nga presidenti:

Besimtarët myslimanë sot e kanë ditën e fundit të agjërimit dhe e përfundojnë muajin e Ramazanit. Ky muaj i madhërishëm sivjet ishte më ndryshe për shkak të pandemisë, por ai forcoi besimin, durimin dhe disiplinën fizike e shpirtërore te çdo besimtar.

Njëkohësisht me urimin që agjëruesve t’u jenë pranuar sakrificat dhe lutjet, besimtarëve myslimanë ua uroj Fitër Bajramin, i cili është gëzim i përbashkët dhe vazhdim i bujarisë dhe bamirësisë ndërnjerëzore.

Rreziku nga pandemia ende nuk ka kaluar, prandaj u bëj thirrje që në këto ditë feste të shmangen vizitat tradicionale te njëri-tjetri, sepse vetëm disiplinë dhe kujdes të shtuar mund t’i gëzohemi së shpejti edhe tejkalimit të kësaj situate.

Paqja, solidariteti, mirëqenia dhe toleranca uroj të mbizotërojnë përherë në mesin tonë dhe kudo në botë!.
Dërgoja mikut në:
Shkruani komentin tuaj!
 
Thaçi: Kurtit i mbetet të reflektojë, sikur t’i pranonte këshillat e mia sot do ishte në zyrën ku ka qenë
Aston Villa synon ta thyej rekordin e transferimeve në klub për Milot Rashicën
E PABESUESHME/ E vitit 1998, ja makina që përdor Hoti (FOTO LAJM)
A pritet të ketë rinisje të shpejtë të dialogut me Hotin si kryeministër?
VV-ja kthehet në opozitë, nis përplasjet me LDK-në (VIDEO)

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2020 Albeu Online Media