Home Kosovë
"Po përballemi me një armik", Osmani: Duhet të bashkojmë forcat kundër antisemitizmit
Kryetarja e Kuvendit të Kosovës, Vjosa Osmani, tha në Forumin e Antisemitizmit se të gjithë vendet e botës duhet të bashkohen në këtë luftë.

Teksa falënderoi Shqipërinë për ndërmarrjen e këtij forumi, Osmani tha se ky duhet të shërbejë si moment reflektimi për të gjithë, se si të veprojmë të bashkuar për të luftuar me përgjegjshmëri kundër antisemitizmit.

“Po përballemi me një armik që shkon kundër civilizimit. Nuk ka asnjë justifikim për format e diskriminimit. Janë akte kundër dinjitetit. Duhet të bashkojmë forcat në luftën kundër antisemitizmit. Komuniteti hebre kërkon konfirmim nga të gjithë ne për të luftuar kundër antisemitizmit, në mënyrë që të kemi një të ardhme sa më të mirë. Përgëzoj Shqipërinë për hapin e rëndësishëm që ndërmori. Shqiptarët e kuptuan shumë kohë më parë se si duhen përkrahur hebrenjtë. Pak e dinë historinë e Shqipërisë në rang global dhe të gjitha përpjekjet e tyre që kanë bërë në lidhje me hebrenjtë.

Kjo është një mundësi e madhe për ta rikujtuar edhe njëherë atë kapitull, por edhe një mundësi për të gjithë ne për të reflektuar se si të veprojmë të gjithë bashkë për të luftuar me përgjegjshmëri kundër antisemitizmit. Duhet të bëjmë gjithçka që mundemi për të ecur përpara në këtë drejtim. Konfirmoj gatishmërinë e Kosovë dhe përpjekjen e popullit tonë për të mbështetur çdo iniciativë globale kundër antisemitizmit. Antisemitizmi nuk ka gjetur vend në Kosovë. Kemi ndërmend të ndërmarrim një program edukimi lidhur me luftën kundër antisemitizmit, se si të edukojmë të rinjtë në lidhje me këtë”, tha Osmani.
Dërgoja mikut në:
Shkruani komentin tuaj!
 
Dalin pagat shtesë, Hoti i quan heronj punonjësit shëndetësorë
Flet babai i 29-vjeçares shtatzënë që vdiq nga COVID-19: Mjekët na thanë që është mirë!
VENDIMI/ Banorët e kryeqytetit nuk do paguajnë lekë për të udhëtuar me urban
Mbyllen dy ndeshjet e sotme të Superligës, Ballkani ruan kreun (VIDEO)
KOSOVË/ 11 të vdekur dhe 539 raste të reja me Covid-19

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2020 Albeu Online Media