Home Maqedoni
Rasti Almiri, nesër mbahet seanca gjyqësore
Nesër do mbahet seanca e radhës për rastin e Almir Aliut. Trupi gjykues në krye me Maja Denkovska do të kumtoj nëse organi i akuzës në Kumanovë do të largojë Prokuroren e lëndës Suzana Kusigerska ose jo.

Nuk dihet nëse procesi gjyqësor do të nisë i gjithi nga fillimi, apo do të ketë rigjykim me procesverbale të deritanishme. Në rast se procesi nis nga fillimi, pala e dëmtuar do të kërkojë që në akuzë për dhunë të përfshihet edhe vëllai i Boban Iliç, Bojan Iliç ndaj të cilit, SPB Kumanovë më 26 qershor 2016 ka iniciuar padi penale për dhunë.

Kërkesa e palës së dëmtuar vjen pas tentativave për rikualifikim të lëndës nga “vrasje” në “aksident komunikacioni me pasojë vdekjen”. Pas paralajmërimeve të tilla, avokatët e familjes Aliu kërkuan nga Prokuroria e Lartë të prononcohet mbi tentativën për rikualifikim. Kjo e fundit kërkesën e adresoi në Prokurorinë Republikane ku edhe në kolegjin e mbajtur, prokurorët u ndanë në baza etnike. Respektivisht, 4 Prokurorët shqiptarë u mbi-votuan nga kolegët e tyre maqedonas me 6 vota pro rikualifikimit.

Për vrasjen e Almir Aliut akuzohet Boban Iliç, ndërsa për dhunë ndaj të akuzuarit dhe vëllait tij Bojan Iliç akuzohen Sedat Aliu, Abdulla Aliu dhe Sami Demiri. Vrasja e Almir Aliut ndodhi më 25 qershor të vitit 2016 në Kumanovë, pas një zënkë paraprake mes familjarëve të Almirit dhe të akuzuarit Boban Iliç i cili shtypi me makinë 4 vjeçarin nga Kumanova dhe prindërit e tij. /albeu.com/
Dërgoja mikut në:

Shkruani komentin tuaj!
 
Pushkë, helikopterë e blinda nga Turqia, si do të duket ushtria e Kosovës
Rusët nuk ndalen së trilluari ndaj Kosovës, bëhen si viktima
Ministri shqiptar i Maqedonisë shkon në Beograd
Arsyeja pse opozita greke kundërshton emrin për Maqedoninë
Mali Everest i merr jetën një alpinisti nga Maqedonia

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2018 Albeu Online Media