Home Maqedoni
Dëshmi e re në rastin "Monstra", agjentit i gjendet fotografia
"Një funksionari të lartë nga Drejtoria për Siguri dhe Kundërzbulim (DSK) i ka rënë telefoni në veturën që sipas akuzës fillestare të Prokurorisë, me atë veturë (Opel Omega) kanë lëvizur të akuzuarit për vrasjen e pesëfishtë në Smillkovë", kështu deklaroi një familjarë i të vrarëve në Liqenin e Smillkovës, duke kërkuar nga trupi gjykues që sa më shpejtë të zgjidhet rasti dhe të mos anulohen seancat gjyqësore.

Familjarët kërkojnë që të zbulohet identiteti i agjentit, ndërkaq deklarojnë se telefoni tani gjendet në Prokurorinë Speciale.

"Telefoni gjendet në Prokurorinë Speciale, unë e kam fotografinë e agjentit të cilit i ka rënë telefoni. Të zbulohet se kush është dhe pse e fshihet emri i agjentit", deklaroi familjarë gjatë seancës së sotme gjyqësore.

Avokati i të akuzuarve për rastin "Monstra", Sasho Dukovski deklaroi se nuk ka njohuri se për cfarë telefoni bëhet fjalë.

"Nuk jam i sigurt për diçka të tillë, që nuk do të thotë se s’është ashtu. t’ia lëmë procedurës gjyqësore ta konstatojë të vërtetën", deklaroi Dukovski.

Familjarët e të vrarëve sot gjithashtu kërkuan që të deklasifkohen të gjitha materialet të cilat janë të lidhur me këtë rast dhe të cilat trajtohen si fshehtësi shtetërore.

“Kërkojmë të deklasifikohen të gjitha materialet të cilat trajtohen si fshehtësi shtetërore, mos janë ato më të rëndësishëm se fëmijët tanë që kanë vdekur. E kërkojmë telefonin e fëmijës që të na kthehet urgjentisht. E ka mbyllur telefonin? Shumë ka rëndësi për ne ajo që të na kthehet. Nuk do të jemi të gjallë derisa të mbarojë gjykimi”, thanë familjarët.

Ata gjithashtu kërkojnë që të shihet automjeti kontestues, me të cilin sipas akuzës fillestare të Prokurorisë Themelore Publike kanë lëvizur të akuzuarit. Ky automjet asnjëherë nuk u lejua që të shikohet nga afër, por vetëm nëpërmjet fotografive.
Dërgoja mikut në:

//
Shkruani komentin tuaj!
 
Moti i "çmendur", sinoptikanët japin numrin e vetëtimave
Vijon përplasja për emrin e Maqedonisë, VMRO-DPMNE akuzon Zaevin për tradhëti
VMRO-DPMNE ragon mbi referendumin dhe marrveshjen me Zaev
Turistët zhgënjehen me atë çfarë gjejnë në Kalanë e Tetovës
450 mijë maqedonas kundër marrveshjes së emrit

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2018 Albeu Online Media