Home Maqedoni
Burg për kryetarin që u kap duke kontrabanduar cigare
Gjykatësi në procedurën paraprake në Gjykatën Themelore në Strumicë i ka shqiptuar masën e paraburgimit tetëditor kryetarit të Komunës së Novo Sellës, Boro Stojçev.

Masë e njëjtë u është shqiptuar edhe tre personave të tjerë, ndërsa një personi i është marrë dokumenti i udhëtimit dhe duhet që ai një herë në javë të paraqitet në Gjykatën e Strumicës.

Kryetari i Novo Sellës dhe të dyshuarit e tjerë për kontrabandë me cigare, masën e paraburgimit do ta vuajnë në burgun e Prilepit. Mbrëmë rreth orës 19 në vendkalimin ilegal të kufirit mes Maqedonisë dhe Bullgarisë, në afërsi të fshatit Badilen, policia ka arrestuar pesë persona për tentim të kontrabandës me rreth 3.300 paketa të cigareve në vlerë prej 3.245.589 denarësh.

Prokuroria Themelore Publike në Strumicë i akuzon për veprën e kryer penale kontrabandë për të cilën është paraparë dënim me burg prej gjashtë muajsh deri në 5 vjet.
Dërgoja mikut në:
Shkruani komentin tuaj!
 
Gjendet i vdekur taksisti në Shkup
Talat Xhaferri: Kosova mos e zgjasë dialogun me Serbinë
Në spitalin e Strugës nuk mund të kryhen operacione
Të gjitha pikat e marrëveshjes Kosovë-Serbi: Merret Presheva, çfarë ndodh me Mitrovicën!
Naim Abazit i sulen në Facebook pasi tha se Halil Kastrati i ndërton shtëpitë me paratë e të tjerëve

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2019 Albeu Online Media