Home Maqedoni
Ahmeti uron qytetarët e Maqedonisë për ftesën për anëtarësim në NATO
Kryetari i Bashkimit Demokratik për Integrim, Ali Ahmeti përmes faqes që tij në Fejsbuk ka uruar, qytetarët e Republikës së Maqedonisë për marrjen e ftesës për anëtarësim në NATO.
"Kam kënaqësinë e veçantë që të uroj të gjithë qytetarët e Republikës së Maqedonisë për marrjen e ftesës për anëtarësim në NATO që paraqet arritje të madhe dhe jashtëzakonisht të rëndësishme për të ardhmen e sigurt të vendit tonë", është shprehur Ahmeti.

Ai ka shtuar se integrimi euroatlantik ka qenë udhërrëfyes i aktivitetit të tyre politik dhe shoqëror që nga fillet e veprimtarisë së tyre e deri më sot dhe përkushtimi, siç shton, konsistent drejt realizimit të këtij synimi, pa e humbur përqendrimin për asnjë çast, ka rezultuar me sukses të përbashkët.

"Integrimi i plotë i vendit tonë, por edhe i rajonit në NATO e bën lirinë tonë të plotë, mundëson siguri, stabilitet, paqe të qëndrueshme, marrëdhënie të mira ndëretnike, zhvillim ekonomik dhe mirëqenie shoqërore", ka shtuar më tej lideri i BDI-së.

Ahmeti ka potencuar më tej se arritjet e këtij viti të cilat mundësojnë barazi dhe integrim Euroatlantik janë synim i të gjithë qytetarëve dhe partive politike në vend, prandaj ka shtuar ai, të gjithë ne bashkërisht duhet të punojmë për rrumbullakësim të suksesshëm të këtij procesi.

"Këto arritje janë rezultat i punës së përbashkët të qytetarëve tanë, partive politike, shoqërisë civile, botës akademike, mediave dhe miqve ndërkombëtarë. Kjo ëndërr e qytetarëve tanë që ka filluar të realizohet sot kërkon nga ne që të bashkohemi rreth Maqedonisë euroatlantike", ka shkruar në postimin e tij lideri i BDI-së, Ahmeti.
Dërgoja mikut në:

GOLI
e Enjte 12 Korrik 2018, Ora 17:48
PER SHQIPETARET E FYROM-it S'JA VLEN FARE....P I R DH U......
Shkruani komentin tuaj!
 
Sela reagon për rastin Sopoti: Jeni fundërrina shovene
Dy shqiptarë turpërojnë policinë zviceriane
Gjykata Speciale Ndërkombëtare pritet të marrë në pyetje Berishën për një vrasje
Hakmerret krimi, 30 plumba ndaj një makine
Dimitrov: Ivanovi mbron kriminelët

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2018 Albeu Online Media