Home Maqedoni
Ahmeti: Asnjëherë nuk e humba besimin për anëtarësimin në NATO
Ratifikimi i Protokollit për anëtarësim në NATO, është ditë historikë për Maqedoninë e Veriut. Në këtë ditë vlen t’i përkujtojmë dhe t’i përmendim të gjithë pjesëtarët e NATO-s, të cilët e dhanë jetën për lirinë e cila mungonte në rajone të ndryshme, për mungesën e demokracisë, për paqen dhe stabilitetin të cilën kontestoheshin.

Me këto fjalë kryetari i BDI-së, Ali Ahmeti, iu drejtua deputetëve në Kuvendin e Republikës së Maqedonisë së Veriut dhe të pranishmëve tjerë me rastin e ratifikimit të Protokollit për anëtarësim në NATO.

“Jam krenar që më tepër se 20 vite asnjëherë nuk e humba besimin, asnjëherë nuk e humba durimin, por besova në miqtë e mëdhenj, në aleatët e mëdhenj dhe shtetet të cilët e udhëhoqën këtë aleancë të fuqishme, aleancë paqësore gjithandej botës”, tha Ahmeti.

Vendi ynë, shtoi ai, po numërohet dhe bëhet i rëndësishëm, po aq sa janë të rëndësishme këto shtete.

“Shteti ynë si vend i vogël, të cilën askush nuk e njihte, sot është shteti i 30-të anëtar i NATO-s”, tha Ahmeti.

Duke iu drejtuar përfaqësuesve të partive politike, tha se kemi pasur shumë dallime, shumë debate, mosmarrëveshje me qëllimin më të mirë të tregohen gjërat hapur por se është shumë falënderues për dy çështje ndaj të gjithëve se nuk ka pasur dallime- “anëtarësimi në NATO dhe Bashkimin Evropian (BE)”.

“Këto dy momente kanë qenë ato që çdoherë na kanë mbajtur bashkë të gjithë neve”, ka thënë Ahmeti.

Dërgoja mikut në:
Shkruani komentin tuaj!
 
Shoferi i furgonit nga Italia me simptoma të koronavirusit në Maqedoninë e Veriut (VIDEO)
Arrestohet shtetasi i Maqedonisë, tentoi të merr pjesë në luftën e Sirisë
Filipçe tregon detajet: Po testohen një person nga Italia dhe dy nga Bullgaria
Vazhdon gjykimi, Todoroviqi do të dëshmojë për rastin "Reket"
Vranësira dhe shi, si do të jetë moti në Maqedoninë e Veriut

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2020 Albeu Online Media