Home Bota
Sulmohen kishat para vizitës së Papa Françeskut në Kili
Tre kisha në kryeqytetin Santiago, u sulmuan me bomba zjarri, ndërsa në disa fletushka të shpërndara, paralajmërohej se një tjetër ishte për Papën.

Presidenti Michelle Bachelet i përshkroi incidentet si “shumë të çuditshme”, duke shtuar se sulmet ende nuk mund të lidhen me një grup të caktuar.

“Në një demokraci, njerëzit mund të shprehin veten për sa kohë që e bëjnë këtë në një mënyrë paqësore,” i tha ajo një radioje të premten.

Askush nuk është arrestuar për sulmet, të cilat nuk shkaktuan lëndime, ndërsa Vatikani ende nuk e ka komentuar ngjarjen.

Papa Françesku ka bërë dhembshurinë dhe mbështetjen për emigrantët e nevojtarët, një temë kryesore të papatit të tij.

Por vërejtjet e paraqitura në fletushkat e hedhura në një nga kishat e sulmuara, thuhet se u ankuan që paratë e shpenzuara për vizitën e tij, mund të përdoreshin më mirë për të varfrit.

Papa do të mbajë meshën të martën në një park të Santiagos dhe qindra mijëra njerëz pritet të dalin për ta pritur.

Papa gjithashtu do të takohet me liderët e zonës indigjene Mapuche, gjatë vizitës së tij në Kili. /albeu.com/
Dërgoja mikut në:

Shkruani komentin tuaj!
 
Të shtëna të fuqishme në Rijad, në rrjetet sociale flitet për puç ndaj mbretit Salman (VIDEO)
Mbretëresha Elizabeth II feston sot 92-vjetorin
Stuhi në Rusi, një e vdekur dhe dhjetëra të lënduar
Pasiv për 250 vite, shpërthen vullkani në Japoninë jugore
BE: Të nis hetimi për vrasjen e katër protestuesve në Gaza

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2018 Albeu Online Media