Home Bota
Marrëveshja me Iranin/ SHBA paralajmëron sanksione edhe ndaj kompanive...
Presidenti Donald Trump po përgatitet t’iu vendosë sanksione kompanive europiane që bëjnë biznes në Iran, pas tërheqjes së tij nga marrëveshja ndërkombëtare bërthamore.

Ndihmësit kryesorë të Trumpit kanë sinjalizuar se Shtetet e Bashkuara do të vazhdojë presionin mbi aleatët për të ndjekur Uashingtonin në daljen nga marrëveshja, e cila e ka lehtësuar Teheranin nga sanksionet në këmbim të ndalimit të programit të tij bërthamor.

John Bolton, këshilltar i Trumpit për Sigurinë Kombëtare, parashikoi se europianët do të shohin që është në interesin e tyre të renditen përkrah Shteteve të Bashkuara, në vend që të vazhdojnë të mbështesin marrëveshjen e vitit 2015, sipas të cilës, korporata të rëndësishme europiane kanë nënshkruar kontrata miliarda dollarëshe në Iran.

I pyetur nëse kjo do të thotë se administrata “Trump” do të vendoste sanksione kundër këtyre firmave, Bolton tha se “po, është e mundur. Kjo varet nga sjellja e qeverive të tjera”.

Sanksionet amerikane mbi Iranin u rikthyen pas tërheqjes së Trumpit dhe, jo vetëm ndalojnë kompanitë amerikane të bëjnë biznes me Republikën Islamike, por ndalojnë edhe firmat e huaja që bëjnë biznes atje të kenë qasje në sistemin bankar dhe atë financiar të Amerikës.

Vendimi i Trumpit për t’u tërhequr nga marrëveshja bërthamore është kritikuar nga udhëheqësit europianë, që kanë premtuar se do të vijojnë të përmbushin angazhimet e tyre. Në grackën e sanksioneve amerikane rrezikojnë të bien gjiganti francez i energjisë “Total”, prodhuesi i avionëve “Airbus”, prodhuesi gjerman i makinave “Volkswagen”, etj...
Dërgoja mikut në:

Shkruani komentin tuaj!
 
Pse Finlanda përdor svastika pa problem (FOTO LAJM)
Spektakël në Greqi, rrjetë merimange gjigante
Vendi me dhjetëra-mijëra 100 vjeçar
Pret flokët pas 5 vitesh, femrat tashmë çmenden pas tij (VIDEO)
Pesë milionë fëmijë në Jemen përballen me urinë

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2018 Albeu Online Media