Home Bota
Para zgjedhjeve, Erdogan merr vendimin drastik ndaj SHBA dhe Izraelit
Turqia ka tërhequr ambasadorët e saj nga Shtetet e Bashkuara të Amerikës dhe nga Izraeli, në një protestë zyrtare ndaj vendimit të administratës së presidentit Donald Trump për ta zhvendosur ambasadën amerikane nga Tel Avivi në Jerusalem.

Agjencia shtetërore turke e lajmeve, Anadolu Ajansi, duke cituar zëvendëskryeministrin Bekir Bozdag, ka thënë se diplomatët e lartë janë urdhëruar të kthehen në Turqi.

Lajmi është konfirmuar edhe nga ambasada e Turqisë në Uashington, raporton CNN.

I pyetur se për sa kohë do të zgjasë kjo protestë e Turqisë, një zëdhënës në ambasadën në Uashington është përgjigjur: "Nuk e dimë në këtë fazë".

Ai ka shtuar se ambasadori në SHBA është urdhëruar të kthehet në Turqi "për konsultime", transmeton Gazeta Express.

Në ditët e fundit, presidenti i Turqisë, Recep Tayyip Erdogan, ka krituar ashpër vendimin e Amerikës për ta zhvendosur ambasadën e saj në Izrael, nga Tel Avivi në Jerusalem.

Qyteti i shenjtë prej kohësh konsiderohet çështje shumë e ndjeshme dhe e nxehtë, sa që negociatorët ndërkombëtarë janë pajtuar ta lënë atë për diskutim vetëm gjatë negociatave përfundimtare për statusin e Palestinës.
Dërgoja mikut në:
Shkruani komentin tuaj!
 
Pas kësaj fotoje virale, fshihet një histori shumë e dhimbshme
Treni del nga shinat, shumë të vdekur
Princeshë Diana e donte më shumë Princin Harry për këtë arsye të fortë
U godit me hekur në kokë gjatë punës, shqiptari në luftë me vdekjen
Gruaja që ka lindur më shumë në histori. Katër herë katërnjakë, shtatë herë trinjakë dhe 16 herë binjakë!

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2018 Albeu Online Media