Home Bota
Sulmet terroriste në Indonezi, tashmë edhe me shpata
Sulmet terroriste në Indonezi vijojnë me intensitet dhe duket se po shfrytëzohet çdo mjet për të ngjallur frikë dhe terror në vend.

Në episodin më të fundit të dhunës, 4 persona të armatosur me shpata samurai sulmuan një rajon policor në qytetin Pekanbaru, në provicën Riau.

Sulmi zgjati fare pak dhe 4 agresorët u vranë nga policia, megjithëse ata arritën që të lëndonin për vdekje një agjent.

Sulmi, ashtu si të tjerët e ditëve të fundit, u mor përsipër nga Shteti Islamik. Indonezia është shteti me popullsinë më të madhe myslimane në botë, e që prej sulmeve me bomba në Bali në vitin 2002 është përgëzuar për operacionet e vazhdueshme antiterror.

Kombinimi i arrestimeve, vrasjeve dhe politikave kundër radikalizmit solli mjaft sukses, por tashmë autoritetet po përballen me një kërcënim të ri, kryesisht nga luftëtarët e Shtetit Islamik, që janë kthyer nga lufta në Siri.

Në 4 ditët e fundit, një seri sulmesh vdekjeprurëse janë regjistuar në vend, ku edhe familje të tëra kamikazësh sulmuan rajonet e policisë dhe kishat.
Dërgoja mikut në:
Shkruani komentin tuaj!
 
Britania mund të dalë nga BE si një "armike"
Babagjyshi romantik i Prishtinës tërhoqi vëmendjen e mediave amerikane (FOTO LAJM)
Të vrasin pa mëshirë dhe nuk japin llogari, forcat speciale më të frikshme në botë (FOTO LAJM)
SHBA, ngrihen akuza për ndikim të paligjshëm pro Turqisë
Dy deputetë nxirren me dhunë nga televizioni shtetëror në Hungari (VIDEO)

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2018 Albeu Online Media