Home Bota
“Aquarius” drejt Spanjës, 900 emigrantë të tjerë në Itali
Një skuadrilje anijesh me qindra emigrantë të shpëtuar nga anija “Aquarius”, po udhëton drejt Spanjës.

Të shpëtuar në Mesdhe gjatë fundjavës, 629 pasagjerët e “Aquarius” nuk u lejuan të hynin në Itali mbrëmjen e të dielës, pasi ministri i brendshëm Matteo Salvini tha se vendi i tij kishte pranuar më shumë emigrantë nga sa duhej.

Pasi edhe Malta tha jo, Spanja u hodh në ndihmë dhe emigrantët, mes të cilëve një numër i konsiderueshëm fëmijësh dhe minorenësh të pashoqëruar, u transferuan nga anija e tejmbushur “Aquarius” në anije të tjera, për t’i çuar ata drejt Valencias. Ata pritet të mbërrijnë në brigjet spanjolle, në fundjavë.

Por, në anën tjetër, një anije e rojës bregdetare italiane, me 937 emigrantë në bord, të shpëtuar në shtatë operacione ndihme në det, ka hyrë në portin e Katanias. Ndërkohë, një tjetër anije, “Sea Ëatch”, po refuzon të pranojë pasagjerët e shpëtuar nga marina amerikane pa garancinë se Italia do t’i lejojë ata të ankorohen në port.

Incidenti me “Aquarius” ka ndezur një përplasje diplomatike që ka thelluar akoma më shumë ndasitë brenda Europës. Hungaria ka mbështetur qëndrimin e Salvinit, ndërsa Franca është treguar shumë kritike. Ministri i Brendshëm italian, Mateo Salvini është kundërpërgjigjur duke thënë se Franca hiqet si një fenomen por ka refuzuar më shumë se 10 mijë persona në kufirin me Italinë, mes tyre shumë gra dhe fëmijë.

Ndërsa Ministria e Jashtme italiane ka thirrur për të dhënë sqarime ambasadorin francez në vend, pasi presidenti Emmanuel Macron akuzoi Romën për cinizëm dhe papërgjegjshmëri.
Dërgoja mikut në:

Shkruani komentin tuaj!
 
Suedi, kërkohet referendum për daljen nga BE
Arrestohet burri me "pistoletë" në ballë
Martohet me të vëllain, flet 50 vjeçarja: Çfarë ndjej
Elon Musk akuzon punonjësin për sabotimin e Tesla
Holanda "importon" të burgosur, por 4 burgje drejt mbylljes mes protestave

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2018 Albeu Online Media