Home Bota
Rusia reagon ashpër pas vendimit të Norvegjisë për shtim të marinsave amerikanë
Rusia ka premtuar të enjten se do të hakmerret pas planit të Norvegjisë për të shtuar numrin e marinsave amerikanë në këtë shtet.

Oslo ka njoftuar të martën se do t’iu kërkojë Shteteve të Bashkuara, aleatit të NATO-s, të dërgojnë 700 marinsa në Norvegji nga viti 2019.

Aktualisht në Norvegji gjenden 330 sish.

Oslo ka njoftuar se trupat do të përqendrohen në kufirin me Rusinë.

“Kjo e bën Norvegjinë më pak të parashikueshme dhe mund të shkaktojë rritje të tensioneve, mund të nxisë garë ushtarake dhe të destabilizojë situatën në veri të Evropës”, ka thënë ambasada ruse në Oslo në një deklaratë në rrjetin social, Facebook.

“Ne e shohim këtë akt armiqësor që nuk do të mbetet pa pasoja”.

Oslo ka shprehur shqetësim për Rusinë prej kur Moska ka aneksuar Krimenë nga Ukraina më 2014.

Marinsat amerikanë pritet të largohen këtë vit nga Norvegjia, pasi një kontigjent fillestar ka arritur më 2017 për t’u trajnuar në kushte të dimrit.

Ata janë trupat e parë të huaj që janë stacionuar në Norvegji nga Lufta e Dytë Botërore.


Dërgoja mikut në:

Shkruani komentin tuaj!
 
Në Venezuelë një pulë kushton 14 milionë
70 vite dashuri, çifti tregon sekretin për një jetë të lumtur
Lira në ditën më të zezë, kaos në ekonominë turke
Pamjet e reja të tragjedisë: Momenti i rënies ë urës në Xhenova (VIDEO)
Djali godet dhe tenton të mbysë nënën në lumë: Ku po shkon njerëzimi? (VIDEO)

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2018 Albeu Online Media