Home Bota
Mes "koteleve" bukuroshe, arrestohet i famshmi "Harun Yahya"
Policia turke ka arrestuar ditën e sotme 235 persona, si pjesë e një strukture të organizuar kriminale të drejtuar nga kontroversi Adnan Oktar, i njohur ndryshe edhe si Harun Jahja.

Organizata akuzohet për vepra të rënda penale, përfshirë krim të organizuar, abuzim seksual me fëmijët, marrëdhënie seksuale me të mitura, rrëmbime, evazion fiskal dhe shkelje të ligjit kundër terrorizmit.

Deri më tani janë arrestuar 79 persona, përfshirë drejtuesin Oktar i cili u vu në pranga në vilën e tij në Çengelkoy të Stambollit.

I akuzuari kryesor, sipas mediave turke është pronari i televizionit "A9", i cili ka edhe disa emisione, ku debaton për tema të ndryshme shoqërore, përfshirë edhe vlera dhe parime fetare, ndërsa “kotelet” e mbulojnë me lëvdata.

Policia nisi bastisjen në orët e hershme në shtëpinë e Oktar në Çengelköy në anën aziatike të Stambollit dhe e arrestuan atë dhe rojet e tij.

Rojet e Oktarit i rezistuan shkurtimisht policisë, raportuan korrespondentët e Hürriyet nga vendi i ngjarjes, duke shtuar se forcat e sigurisë konfiskuan armë si dhe automjete të blinduara në vendbanimin e Oktar.

Librat e Oktar, i cili njihet ndryshe edhe si "Harun Yahya" janë përkthyer në fillim të viteve 2000 edhe në Shqipëri.
Dërgoja mikut në:
Shkruani komentin tuaj!
 
HORROR/ Nëna lind foshnjën me kokë të shkëputur nga trupi (VIDEO)
Rusja tenton të bëjë selfi para trenit por gjen vdekjen (FOTO LAJM)
Rregulla të reja për të drejtën e autorit, dëmtohen kopmanitë e mëdha
Grekët dërgojnë tanket në kufi me Turqinë (FOTO LAJM)
Kërkohet Gjykatë Speciale për ISIS

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2019 Albeu Online Media