Home Bota
Kina: Pretendimet amerikane për spiunazh, të fabrikuara
Ministria e Jashtme e Kinës mohon akuzat se një zyrtar kinez është kapur duke u përpjekur të tregtojë sekrete nga aviacioni i SHBA dhe kompanive hapësinore për llogari të Kinës dhe sipas saj, ato janë shpifje.

”Shpresojmë që SHBA të respektojë të drejtat dhe interesat legjitime të qytetarit kinez”, theksoi zëdhënësi i Ministrisë së Jashtme kineze, Lu Kang.

Një zyrtar kinez i rangut të lartë është arrestuar me dyshimin për spiunazh ekonomik kundër disa kompanive të aviacionit dhe të hapësirës ajrore të SHBA, sipas një deklarate të Departamentit të Drejtësisë të SHBA.

Yanjun Xu, zëvendësdrejtor i Departamentit të Sigurisë në Jiangsu, është akuzuar për spiunazh ekonomik dhe përpjekjet për të nxjerrë sekretet tregtare nga kompanitë duke përfshirë GE Aviation, degë e General Electric.

”Xu u arrestua në Belgjikë më 1 prill”, sipas deklaratës.

Ndihmësprokurori i Përgjithshëm, John Demers tha se rasti nuk ishte një incident i izoluar.

“Ne nuk mund ta tolerojmë një komb duke vjedhur fuqinë e zjarrit dhe frytet e fuqisë sonë të trurit. Nuk mund të tolerojmë një komb që vjedh atë që nuk mbjell’’, theksoi ai.

GE prodhon motorë për avionë dhe turboprop, si dhe pjesë për avionë ushtarakë, biznesesh dhe komercialë. Gjithashtu po punon për gjeneratën e ardhshme në motorë për avionë komercialë dhe helikopterë ushtarakë, përcjell Atsh.

Xu do të gjykohet në një gjykatë federale në Cincinnati, Ohio.
Dërgoja mikut në:
Shkruani komentin tuaj!
 
I ftohti ekstrem mbërthen Karolinën e Veriut (FOTO LAJM)
Ushtria e frikshme amerikane, e vetme mund të shkatërrojë gjithë botën (FOTO LAJM)
Zbërthehen përgjimet, këto janë fjalët e fundit të gazetarit që u vra barbarisht
Bën sikur i propozon, vajzës me dy të dashur i çirret maska në sy të të gjithëve
Nuk është shaka, traktori del në autostradë me shoferin e pazakontë

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2018 Albeu Online Media