Home Bota
Korea e Veriut lëshon dy raketa të tjera para bisedimeve me SHBA
Ushtria e Koresë Jugore ka thënë se Koreja Veriore i ka hedhur dy raketa në det, disa orë pasi vendi komunist paraqiti ofertë për t’i vazhduar bisedimet bërthamore me Shtetet e Bashkuara. Sidoqoftë, Koreja Veriore paralajmëroi se marrëveshjet e saj me Uashingtonin mund të përfundojnë, nëse nuk ka propozime të reja.

Lëshimet e raketave të martën dhe kërkesa për propozime të reja ishin qartazi veprime për ta shtuar presionin ndaj Shteteve të Bashkuara, nga të cilat Koreja Veriore pret lëshime gjatë bisedimeve. Besohet se Pjonjangu do të kërkojë garanci sigurie dhe lirim nga sanksionet amerikane.

Sipas komandës qendrore të ushtrisë së Koresë Jugore, raketat e Koresë Veriore kanë fluturuar rreth 330 kilometra para se të binin në det. Nuk dihet nëse këto armë ishin raketa balistike apo ndonjë lloj tjetër i raketave.

Të hënën në mbrëmje, zëvendësministrja e jashtme e Koresë Veriore, Choe Son Hui, tha se vendi i saj është i gatshëm t’i vazhdojë bisedimet për armët bërthamore në fund të shtatorit, me kusht që Shtetet e Bashkuara të ulen në tavolinën e negociatave me propozime të reja. Ajo shtoi se nëse këto propozime nuk janë të kënaqshme, marrëveshjet e deritashme mes dy vendeve mund të përfundojnë.

Në anën tjetër, Shtëpia e Bardhë ende nuk i ka komentuar raportimet për lëshimin e raketave dhe deklaratën e zyrtares së Koresë Veriore, shkruan “The Guardian”.
Dërgoja mikut në:
Shkruani komentin tuaj!
 
Cigaret elektrike, ndërron jetë personi i tetë në SHBA
Plani sekret për djegien e Amazonës
Shurdhohen, këputen dhe vjellin: Zbulohet misteri pse sëmuren diplomatët në Kubë
Ndërron jetë në moshën 91 vjeçare pronari i perandorisë së hoteleve "Hilton" (FOTO LAJM)
Shkoi në koncert por nuk u kthye, 19-vjeçarja gjendet e pajetë në rrugë (FOTO LAJM)

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2019 Albeu Online Media