Home Bota
Këta shtatë nxënës vdiqën dhe u rikthyen në jetë në vitin 2011
Edhe pse u nisën për një ditë të bukur eskursioni, në fakt gjithcka desh u kthye në tragjedi.

Disa nxënës nga Danimarka ishin në një ekskursion shkolle në vitin 2011, kur një grup prej tyre ranë në ujin e akullt dhe shtatë vetave u ndaloi zemra nga i ftohti. Sot nxënësit e kujtojnë si një makth të largët ditën kur varka e tyre u përmbys në det.

“Ishte shumë ftohtë. Uji kishte copa akulli”, kujton Katerina, një prej vajzave teksa përlotet. “Unë rashë poshtë varkës dhe kur dola në sipërfaqe nisi makthi i vërtetë. Të gjithë bërtisnin e çdo gjë dukej surreale. Na rrethonte paniku. Mësuesi tha që duhej të notonim jashtë, ose do të vdisnim”

“Nuk notoja dot. Një shok u përpoq të më ndihmojë, por shumë shpejt isha në vdekje klinike për shkak të temperaturës së ujit”, thotë Kasperi, një prej djemve të cilit i pushoi zemra.

Megjithatë, Katerina arriti të notojë deri në breg, por doli në një pyll të humbur dhe pa asnjeri rrotull.

“Ishte e vështirë, sepse s’kisha më fuqi në këmbë. Vazhdoja të rrëzohesha. Në atë çast isha e sigurt që do të vdisja. Pastaj pashë një burrë. Falë Zotit. Dhe kur e pashë, nisa të bërtas fort”, tregon ajo.

Burri njoftoi urgjencën, të cilët erdhën menjëherë me helikopter. Ai u thoshte mjekëve “Kanë vdekur”, teksa i çonte te fëmijët që nuk i kishin dhënë shenja jete. Por mjekët e dinin se kur janë aq të ftohtë në trup, edhe pse janë teknikisht të vdekur, me zemrën e ndaluar, ka ende shpresa për t’i rikthyer në jetë, pasi hipotermia u ndalon zemrën por dhe metabolizmin. Kjo do të thotë që organet mund të rikthehen në punë po të ngrohen me kujdes.

Ata nisën t’ia ngrohin temperaturën e trupit me nga 1 gradë për çdo 10 minuta. Djali, Kasperi, e kishte temperaturën e trupit 17.5 kur e gjetën mjekët. Kur temperatura i arriti 26 gradë C, zemra nisi t’i rrahë sërish. Por në mungesë të oksigjenit, trurit i vdesin 2 milionë qeliza në çdo minutë që kalon, ndaj vëmendja e mjekëve u kthye aty, pasi nuk dihej nëse do të zgjoheshin pa pasoja.

Ata u mbajtën në koma dhe me respirator, pasi nuk ishin të aftë të merrnin frymë vetë. Pas disa ditësh, nxënësit u zgjuan dhe për fat ishin në rregull. Megjithatë, ata thonë se nuk ndihen më si më parë. Sidomos për sa i përkishte kujtesës së mësimeve në shkollë, të cilat nuk i fiksojnë dot mirë. Por skaneri nuk tregon asgjë të gabuar, ndaj mjekët janë të kënaqur që aksidenti me numrin më të madh të viktimave të hipotermisë përfundoi pozitivisht.
Dërgoja mikut në:
Shkruani komentin tuaj!
 
Virusi i ri kinez infekton me qindra persona
MEKSIKË/ Kartelet e drogës ekzekutojnë 10 muzikantë
Ndahet nga jeta njeriu më i shkurtër në botë (FOTO LAJM)
Arrestohet kleriku i ISIS që peshonte plot 250 kg, si u transportua në burg (FOTO LAJM)
Tërmeti shkund Greqinë

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2020 Albeu Online Media