Home Kryetitull
Manchester United e nis mbarë sezonin (VIDEO)
Manchester United e ka nisur me fitore këtë edicion të Premier League, pasi ka mposhtur 2-1 Leicester City në “Old Trafford”, në një ndeshje pa shumë emocione, por që i jep tre pikë të rëndësishme skuadrës së drejtuar nga Jose Mourinho, që ka pasur një verë të varfër në merkato dhe rezultate.

Episodi që vendosi jo pak në fatet e ndeshjes hapëse të kampionatit anglez erdhi pas 75 sekondash lojë kur topi i goditur nga Alexis Sanchez u ndal nga dora e Daniel Amartey dhe gjyqtari akordoi 11-metërsh.

Kapiteni Paul Pogba shënoi nga pika e bardhë e 11-metra, ndërsa golin e dytë për “djajtë” e realizoi Luke Shaw, gjashtë minuta para fundit kur lëvizi bukur në zonën mike, pas topit të marrë nga Juan Mata dhe mposhti portierin Schmaikel.

Në minutën e fundit të ndeshjes, gjatë një episodi fatlum Jamie Vardy ngushtoi diferencën për Leicester, por ishte shumë vonë për të prishur festën e United.

Kjo ishte humbja e tetë për Leicester në nëntë ndeshjet e fundit në stadiumin “Old Trafford” që konfirmohet si “mace e zezë” për ta.
Dërgoja mikut në:
Shkruani komentin tuaj!
 
Humbja e Milanit tërbon ministrin e Brendshëm, Salvini: Skandaloze...
Gallatë me policinë, i deklaron të arrestuar por vëllezërit Avdyli shëtisin me duar në xhepa në Tiranë (VIDEO)
Tronditet Chelsea, ylli i skuadrës ka probleme serioze me shpinën
Politikani shqiptar merr një dhuratë të veçantë nga Luka Modric (FOTO LAJM)
Nga Arben Prenga tek Arben Çuko, si u kapën 27 persona nga mega operacioni "Volvo 4"

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2018 Albeu Online Media