Home Kryetitull
Tërmeti: Instituti gjerman tregon sa rrezikohet Shqipëria
Lajmi i tërmeteve që vazhduan edhe pas mesnatës në Shqipëri është pasqyruar nga mijëra media në botë.

Mediat gjermane shkruajnë se janë mbi 100 të plagosur dhe qindra godina të dëmtuara.

Por sa herë që ka lëkundje të tilla, jo rrallë disa ekspertë flasin për ‘Të madhin’, tërmetin apokaliptik që rrezikon çdo zonë aktive nga pikëpamja sizmiologjike.

Një alarm i dhënë së fundmi nga një sizmiolog grek u bë argument dhe në politikën shqiptare. Parashikimi i tërmeteve duket një shkencë e pamundur, por lëvizjet e shpeshta janë një parapritë për më të keqen.

Por sa rrezikohet Shqipëria?

ZDF ka publikuar deklaratën e një eksperteje nga Instituti i Gjeoshkencave dhe Burimeve Natyrore në Gjermani.

‘Mesdheu është një nga rajonet më aktive për tërmetet në Evropë. Atje, pllaka kontinentale afrikane dhe euroaziatike lëvizin drejt njëra-tjetrës, duke shkaktuar tensione që shkarkohen pa masë përmes tërmeteve,’ tha ajo.

‘Për më tepër janë edhe të ashtuquajturat mikropllaka që lëvizin në Adriatik’.

‘Sidoqoftë, edhe tërmete si ato të shtunës nuk janë të zakonshëm në Shqipëri, e cila ndodhet në brigjet e Adriatikut,’ tha ekspertja.

‘Kohët e fundit pati tërmete të ngjashme të fuqishme më 1 qershor në Korçë, në juglindje të vendit. Aty pati një tërmet me madhësi 5.2 ballë. Edhe atëherë u shënuan dëme të konsiderueshme’.

Dërgoja mikut në:
Shkruani komentin tuaj!
 
Grupi "Bajri", gjykata shpall të pafajshëm ish-trajnerin e Kombëtares, ish-boksierin dhe ish-portierin
Plas në PS, Xhafaj dhe Majko kritikojnë ashpër Ramën në mbledhje
"Të vrasin natën e të qajnë ditën", si e eliminoi djali i xhaxhait 55 vjeçarin në Dukagjin
Kapet autori i vrasjes në Shkodër
Medalje Championsi, buzhuteri dhe parfume, dalin pamjet e aksionit ndaj shqiptarëve në Madrid (FOTO LAJM)

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2019 Albeu Online Media