Home Kryetitull
Lazio akuzon Juventusin dhe Interin: Duan që të mbyllet kampionati
Lazio ka “ndezur” një debat në distancë me klubet e veriut të Italisë, në lidhje me ndërprerjen e kampionatit për shkak të përhapjes së koronavirusit, pasi klubi bardhekaltër ka kërkuar vazhdimisht që të lejohet të bëjë stërvitje normalisht, duke qenë se Roma nuk është “vatër e nxehtë” e Covid-19.

Vetë Claudio Lotito kërkoi që Lazio dhe klubet e tjera në jug të vijonin stërvitjen, por në video-konferencën e Ligës kjo u kundërshtua ashpër nga Interi, Juve dhe klube të tjera në veri, ku është e pamundur stërvitja, për shkak të masave të ashpra të izolimit.

Së fundi “benzinë zjarrit” i ka hedhur zëdhënësi i klubt kryeqytetas, Arturo Diaconale, i cili ka deklaruar se klubet e veriut të Italisë, si Juventus dhe Inter janë ato që kanë interes të anulohet kampionati.

“Juventus dhe Inter kanë interes të anulohet sezoni dhe pastaj egoist del Lotito. Juventus u dha leje lojtarëve të largohen nga Italia, pa pasur një datë për kthimin e tyre, ndërsa së fundi të njëjtën gjë po bën edhe Interi. Imagjinoni pak nëse vendoset për rifillimin e stërvitjes, këta lojtarë duhet të qëndrojnë edhe për 14 ditë të tjera në karantinë, kur të kthehen në Itali”, tha zëdhënësi i Lazios.

Diaconale vijoi fjalën e tij, duke thënë se Lotito e De Laurentiis duan që kampionati të përfundojë me çdo kusht, për të shmangur humbjet ekonomike, ndërsa disa klube, kanë gjetur aleatë edhe te skuadrat që rrezikojnë rënien dhe po kërkojnë anulimin e kampionatit.

“Bëjnë ironi me Lotiton dhe e quajnë “virolog”, kur thotë se kampionati ka gjasa të rifillojë sa më shpejt, ndërsa më pas janë vetë Agnelli e Elkan, që shfaqen si specialist, duke parashikuar se kjo situatë do të vijojë deri në fund të pranverës, madje edhe në verë”, u shpreh Diaconale.
Dërgoja mikut në:
Shkruani komentin tuaj!
 
Albin Kurti "tallet" keq me LDK (VIDEO)
Barça mes dramës përmbys Sevillën dhe kalon në finale të Kupës së Mbretit (VIDEO)
E pabesueshme, Barcelona përmbys Sevillan dhe shkon drejt finales (VIDEO)
Milani shpëton në fund mes dramës, një hap fals në luftën për titull (VIDEO)
Tronditet Milani, zhbllokohet sfida në San Siro (VIDEO)

Shqipëri Kosovë Maqedoni Sport Showbiz Argëtim Lifestyle Teknologji Auto Ekonomi Bota Video Lajme Foto Lajme English News
© 2003 - 2021 Albeu Online Media